Matiu 20:34 - BAṈARA KO VAIRU AMA LEVELEVEO

³⁴ Nio vo Jisu ta o matu roquekake nioqa ni ota ka kamakake nioqako vilu ni maba koa taku kale inio nioqata qota roveake kelokelozato. Ni nioqata qo luluevake vo Jisu.

Matiu 20:34 Referans Kwoze

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

Luke 22:51

Melai Jisu ta o riqaemake se ni eri kiolake, “Me baika inio!” Nio vota ota va tibaekake voa maba ko taliṉa ni o urikivake vo.

Luke 7:13

Ni Jisu ta o keake ko ni o roquekake ko ni eri kiolake kokasi, “Pui zialo,” kiolake.

Maka 7:33

So sole vo Jisu ta o vati edoliake nea maba sekasi azo, ni ota va kamakake voko taliṉa, ni okai supatake o ṉase ni ota va kamakake voko lenio.

Matiu 15:32

Ni koko tova inio Jisu ta o nokaemake voko disaipeli madu tu ke zio vokasi, ni eri kiolake sekasi, “Aṉata a matu roquema nia maba poso, ako seta lula zouke ṉaniu keta eva sole anime kasi, ni vairutu seta puliama sailao samu melai aṉata pui aqa zaria soroemo se puliako niaemo, ako lekuleku ke ekale sole ke vaitou keru ke peuru poso kale,” kiolake.

Matiu 14:14

So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu.

Matiu 9:29

Nio vo Jisu ta ota ka tibaekake nioqako vilu ni eri kiolake, “Sole ko ereilo tani qeko tuvevo puto kikolani jari,” kiolake.

Matiu 8:15

Nio Jisu ta ota ka tibaekake koko ṉase, nio kota kota urikake. Nio koa rekoreko ta kota lojoake nio ko niaevake vo Jisu.

Luke 18:43

Ni maba koa taku kale inio vota o roveake kelokelozato, ni vota o luluevake vo Jisu, ni o ilusivake vo Baṉara. Nio koa matuma vaki ta ke keake ko, ni sea kiadamu ta ke ilusivake vo Baṉara.

Matiu 9:36

Ni so keru o mea keru matu kubo maba madu inio vota o matu roquemake se, ako seta duki ni puliama tauvezato samu sole, omadeuvo ko sipi puliama koko vijaro ko maba sama jari.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Matiu 20:33

Nio nioqata qo vati tiorikake ni eri kiqolake, “Lekasa, eqeta qeka zaria keazato,” kiqolake.

Matiu 21:1

Ni Jisu ni voko disaipeli madu ta kebeta taliake keve tona, ni sipole kebe baro Jerusalema kikela keru, inio seta ke baroake Betipeji sasa peuru Olive Ore sama Sopu ko ketaketa. Nio Jisu ta o soroekake omuqa voko disaipeli kidi tu qopeta zio seko kuleto vasi.