Matiu 20:26 - BAṈARA KO VAIRU AMA LEVELEVEO

²⁶ Melai meta pui so me qalou me navio kude, ako vo oka zariovo ala raura elo mekasi azo ta kiada mela vo nabulu o elou nio vota raura o elou.

Matiu 20:26 Referans Kwoze

Maka 10:43

Melai meta pui so me qalou me ṉavio kude, ako vo oka zariovo ala raura elo mekasi azo ta kiada mela vo nabulu o elou nio vota raura o elou.

Maka 10:45

Omadeuvo jari aṉa maba a eveni lala ta pui aba kuevi tu maba poso ta kela iruruputo melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Maka 9:35

Nio Jisu ta ota papuake ni o padoemake voko toni omuqa disaipeli madu, ni eri ma kiolake, “Vo oka zariovo ala raura elo ta o zarazarailou o ṉavi ni kiadamu vo nabulu o elou, so inio raura o elou Baṉara ko lekasa puo kale.”

1 Pita 5:3

Ni meta pui mema rauraraurailou sea lotu maba madu kasi se me mati vailani, omadeuvo ruqe ama lekasa poso jari, melai meta uri ama kalo erekomo sekasi, tu seta ke luluekou meko uri ama kalo.

Luke 18:14

Nio Jisu ta eri kiolake, “Aṉata a bazuemela me, takisi o koani nio sidopu ala Baṉara ko kelokelozato kale so keru vo o vaite keru voko pade kasi, pui Parese. Ako vo Baṉara ta zara o ivou vo o raurarauraivani, melai vota raura o ivou vo o zarazaraivani,” kiolake.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

Matiu 25:44

Ni seta eri kikevou aṉa kasi, ‘Lekasa, noi keru inio eṉeta ṉe ṉeve ṉoko luapo, ni kabare elo, ni lipilipito ni solemauru elo ni verepo ni pirito pade kale elo, ni pui ṉeba tauveṉe?’ kikevou.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Pilimone 1:13

Aṉata ava zario nio tu koi obeta elou aṉa kasi, vo ṉovo besibesi o roveovo ala tauvelo aṉa, so keru aṉa abeta eva keru koi pirito pade kale aṉako kai bazubazuto ko Uri ama Bazu ko kio kale avo.

2 Timoti 1:18

Ni ṉota ṉoqai uria nianiia voko matuma tauvezato vo o erekema aṉa kasi sai Epesasi peuru kale. Sole vo Lekasa ko odouvo sama roquano ta ko elou vo tona koa Titizato ko Ṉaniu kale!

2 Koriniti 1:24

Aṉata pui aqa zaria zuruzuruemelo me tu me zoriko aṉako vatolo kiadama quli kale meko oqu ko saevo kale ako eṉeta ṉe baqumumela ta meta piza kamela oqu kale. Melai eṉeta omadeu iruruputo ṉe melati eva me tu meko zoleilo ta matu ko elou.

Iruruputo 13:5

Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Jone 18:36

Nio Jisu ta eri kiolake, “Aṉako lekasa puo ta pui komia peuru ma peuru kale ama, melai kota komia peuru ma peuru kale ama tea, se aṉako nabulu poso ta ke pazokinio inio, tu ke tauvelo aṉa se Jiu amu aṉa ko pirielo kale azo. Melai aṉako lekasa puo ta edolokoi zama,” kiolake.

Matiu 27:55

Ni kake rekoreko melai sai ke vati vaitake vo Jisu vaṉʼazo, ni se inio ke lulueveni vo Jisu Qalili ni ke tauveveni.

Kelokelozato 17:6

Ni aṉata a qeake koa rekoreko koko mamola puekako koa matu peuru Babiloni amu, seke vouvaemeni Jisu kevai oquani. Ni koa rekoreko ta kokai zoleivake seko vou omadeuvo kala maba doilili okai evani ko piza kama vaini ko ju jari. Ni so keru aṉa a qeve keru koa rekoreko ta ada matu vuzeike.

Matiu 20:27

Ni kala me azo ta oka zariovou kuleto elo ta kiada mela vo mabaku o elou nio kuleto o elou sole.

Luke 22:26

Melai meta pui so meba kalou, melai vo raura kala mekasi ta visi ala meqora jari o elou, ni vo kuleto ala ta nabulu jaria iruruputo o elou.