Matiu 20:21 - BAṈARA KO VAIRU AMA LEVELEVEO

²¹ Nio Jisu ta o kuimaekake koa reko, ni eri kiolake, “Loma quli kio ṉota ṉoqai zaria?” kiolake. Nio kota ko vati tiorikake ni eri kikolake, “So keru ṉo lekasa ṉo elou keru, aṉata aqa zaria tu ṉota ṉo zariekou nioqi aṉako meqora kidi ta qo papuvou ṉo sate, kala ta ṉoko palo rana ni kala ta ṉoko made rana,” kikolake.

Matiu 20:21 Referans Kwoze

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Matiu 18:1

Koa taku kale se disaipeli madu ta ke olake Jisu kasi ni ke kuimaevake vo, ni eri kikelake, “Lala inio raura kala vo Baṉara ko lekasa puo kale?” kikelake.

Iruruputo 1:6

Ni so keru se apositolo madu ni Jisu ke toraekinie keru, seta ke kuimaevake vo ni eri kikelake, “Lekasa, komia taku kale inio ṉota mata ṉo dova lojoekou koa Izireli toutou ko lekasa poso ko lekasa puo, kio?” kikelake.

Maka 6:22

Ni ko Herodiasi ko meqora ta ko amaqeake koa alilo ṉaniu ko ṉojola kale ni ko pekaoke tu seta ke kelo ko. Ni vo Herodi ni voko lolo poso ta kekai matu zoleike ko. Nio vo Herodi ta eri kiolake koa sinaqu rusu kasi, “Loma quli ṉo ṉoqai zariovo ama? Aṉata a qatiṉou ṉo.”

Matiu 20:32

Nio vo Jisu ta o dokolake ni o nokaekake nioqa ni eri kiolake, “Loma ikio qekai zaria tu aṉata a qela ereko qe?” kiolake.

Kolosi 3:1

Meta lula me jaeva Karisito sase voko voukale azo ama mata saevo kale, so sole meta viluloqu kai emo ko aukale ama quli, sai vo Karisito o papuakoi voko lekasa puo ko papupapu topi Baṉara ko palo rana vasia rana.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Luke 22:24

Ni se disaipeli madu ta kekai zolizoliekiniake ko, lala pado se azo inio raura kala kikelake.

Luke 19:11

Nio so keru se maba poso ke viqe keru koa pesio poso vo o rukuekema, Jisu ta obeta olake vai bazuto kala pado podepodeti sekasi. Koa taku ta vota lula Jerusalema ko sipole ota baroake, ni seko kerukeru kale ta vo Baṉara ko lekasa puo ta taukavole kota barolou kikelake.

Luke 18:41

“Loma ikio ṉota ṉoqa zaria tu aṉata aṉa ereko ṉo?” kiolake. Ni voa leqa kala ta eri kiolake, “Lekasa, aṉata aqa zaria keazato,” kiolake.

Maka 10:51

Nio Jisu ta o kuimaevake ni eri kiolake, “Loma ikio ṉoqa zaria tu aṉata aṉa ereko ṉo?” Nio vota o vati tiorikake ni eri kiolake, “Lekasa, aṉata aqa zaria keazato,” kiolake.

Romu 8:34

So sole lala inio o titizimelou anime? Mata puliala, ako vo Jisu Karisito, vo o vovini ni mata o saeveni voukale azo ta pui opa titizimelou. Vo inio o papuani Baṉara ko palo rana vasi, vo o tauvemelani anime vararaito kale!

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Matiu 20:22

Ni Jisu ta eri ka kiolake nioqa tamania, “Qeta pui qekai nianiia ko quli qeqe pasekako quli. Ma qeta inaina kaqela inio tu qe tolailou aṉa sate kio?” Nio nioqata qo vati tiorikake ni eri kiqolake, “Eqeta inaina kaqela tu qe tolailo ṉo sase,” kiqolake.