Matiu 20:1 - BAṈARA KO VAIRU AMA LEVELEVEO

¹ Nio vo Jisu ta mata eri kiolake sekasi, “Vo Baṉara ko lekasa puo ta eri. Kala tanala ta o lekoa omadeu vikale tu o vailimo kake maba poso, tu ke iruruputo voko vaini kiaro kale. Ni vota o meake kake.

Matiu 20:1 Referans Kwoze

Matiu 13:47

“Vo Baṉara ko lekasa puo ta mata eri jari. Kake se abu ko maba madu ta ke risaeka seko saru ivere kale ni ke koa kubo azaazama niuniu poso.

Matiu 13:24

Vo Jisu ta o mati nianiiekikake kama pado podepodeti ni eri kiolake sekasi, “Vo Baṉara ko lekasa puo ta omadeuvo kala maba jari, vo o papakani uri ama sisu voko kiaro kale.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Jone 15:1

Ni Jisu ta mata o mati pesiake voko disaipeli madu ni eri kiolake, “Aṉata tuvevo ama vaini siakona jaria lala ni aṉavo Mama ta vaini kiaro o kati vailani maba jari o kavani.

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Matiu 22:2

“Vo Baṉara ko lekasa puo ta eri jari. Kala lekasa ta o inainaekake vovo meqora ko bau vuato.

Matiu 13:33

Ni vo Jisu ta mata omai bazubazuekake ka pado podepodeti, ni eri kiolake, “Vo Baṉara ko lekasa puo ta eri jari. Kama pado rekoreko ta ko koa kama isiti ni ko kati valuvalueka matuma baeke palava ti kobeta koiva inio koa pado ama volevole,” kiolake.

Matiu 13:31

Ni vo Jisu ta mata o mati nianiiekikake mata kama pado podepodeti ni eri kiolake sekasi, “Vo Baṉara ko lekasa puo ta omadeuvo matu silo ama masitadi ore ko sisu jari, vo maba o papakako voko kiaro kale,

Matiu 25:14

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Inevoana kala lekasa vo o inainaovani tu ota zio vaṉama peuru kale, ni vota o nokaemake voko nabulu poso ni o katimake voko takula ni lomaloma tu kekai iruruputo.

Maka 13:34

Ni koa vaito ta omadeuvo vo o lipilipitani maba jari, vo omai vaekeni voko nabulu poso seke ereko ama iruruputo ni o bazuevake veutu o kati vailani tu o vailou.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 23:37

Nio Jisu ta mata eri kiolake, “Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova!

Matiu 21:28

Ni Jisu ta obeta olake bazubazuto ni eri kiolake sekasi, “Nonia kerukerueko ta mebe eva ko eri? Kala maba ta omuqa meqora sala, ni vota o olake vovo kaka kala meqora kasi ni eri kiolake, ‘Meqora, ṉota ṉo ziovou vairutu ni ṉoba iruruputou vaini kiaro kale,’ kiolake.

Matiu 20:2

Ni vota o tabarimou se, maba poso ke koako omadeu ṉaniu ama reketekete kale, ni vota o soroemake tu kepa iruruputo koa vaini kiaro kale.