Matiu 19:7 - BAṈARA KO VAIRU AMA LEVELEVEO

⁷ Melai se Parese madu ta mata eri kikelake Jisu kasi, “So ko kalou ta noi sole inio vo Mosese ta o katimele anime ko Bazu ko eri kikelako, kala ta o katikou voko reko vaekinio ko pepa ti obe soroekou inio koa reko?” kikelake.

Matiu 19:7 Referans Kwoze

Matiu 5:31

Nio vo Jisu ta obeta olake voko bazubazuto kale, ni eri ma kiolake se, “Meta lula me viqa koa bazu kikovevo, ‘Kala maba ta o butueko kiovou voko reko ta vota o katikou koa reko vaekinio ko pepa saita inio vota o butuekou ko.’

Maka 10:4

Ni seta ke vati tiorikake ni eri kikelake, “Mosese ta o zarieke tu kala ta o katikou voko reko vaekinio ko pepa ti obe soroekou inio koa reko,” kikelake.

Matiu 1:19

Nio vo Josepa, vo lula keva korotikani ko, ta kala sidopu ala maba, ni se Jiu amu ko bazu o luluekeni, ni voko kerukeru kale ta kala edolola maba inio epia o ika ko Mere kiolake, so sole vota oka zariake tu vaeko ko, melai vota pui oka zariake quratiko ko ubutiania. So sole vota oka zariake biresuko koa korokoroti moizavole.

Matiu 19:6

Sole nioqata pui omuqa, melai omadeu. So sole nioqa vo Baṉara omadeu o ikeni nioqa ta pui ko male tu maba ta o pitasiko,” ma kiolake vo Jisu.

Matiu 19:8

Nio vo Jisu ta o mati tiorikake se ni eri ma kiolake, “Vo Mosese ta o zariemele me tu meta me vaemou meko reko poso ako meko bulo ta zokele sole, melai kota pui so kopa kaema ikio ko tanitanila kale, so keru vo Baṉara o ereke keru ko maba.