Matiu 19:16 - BAṈARA KO VAIRU AMA LEVELEVEO

¹⁶ Ni omadeu taku kale inio kala maba ta o kuevake Jisu kasi ni eri kiolake, “Tanala, loma uri ama iruruputo a erekou nio vo Baṉara ta o katilou aṉa ko noqola kama saevo?” kiolake.

Matiu 19:16 Referans Kwoze

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.

Jone 3:15

ni sea kiadamu ke tuvevo puelo amu aṉa ta ke kovou ko noqola kama saevo.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

1 Jone 1:2

Vo o katiṉeleni eṉe ko saevo ta kasa o ṉela evake eṉe, ni eṉeta ṉe veve vo nio ṉeqai bazubazute voko tuveano maba poso kasi, nio eṉeta mata ṉe melai bazueva me voa noqola kama saevo sala Bazu. Vo o katiṉeleni eṉe koa saevo ta o eve o Mama Baṉara kasi. Ni Baṉara inio kasa o ṉela ive eṉe.

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

1 Jone 2:25

Ako o ṉavi Karisito leveleveo o ikema tu o katimelo anime ta noqola kama saevo ikio sole.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

1 Timoti 6:19

Komia keve kale kude inio seta noqola kama batiro saṉa ke elou ti ke kovou koa noqola kama saevo, koa tuvevo ama saevo.

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

Iruruputo 16:30

Ni vota o kati saqorake nioqa kupekupe, ni eri kiolake nioqa kasi, “Lekasa kidi, loma quli a erekou ni aṉata a bakiovou?” kiolake.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Jone 12:25

Ako vo o roquekani o ṉaviko saevo ta vota o niumaeka inio voko saevo tovama saevo kale ama, melai vo o ṉamukani o ṉaviko saevo komia peuru ma peuru kale ama aṉako luluelo kale, ta o kovou noqola kama saevo.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Jone 6:68

Nio Saimone Pita ta o vati tiorikake, “Lekasa, lala kasi nio eṉe ṉeba ziovoa koi? Ako ṉoṉo qiada inio ṉo buarikani ṉa ko ṉisa saevo ko pesio sole.

Jone 6:47

Aṉata a bazuemela me tuvevo avole, vo o tuvevo puelani ta lula noqola kama saevo sala.

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Matiu 19:29

Ni kala ta o vaekou voko pade ni voko tamania poso ni voko mama ni niania ni voko meqora poso ni voko miduku tu o luluelo aṉa, ta vo Baṉara ta ova besiekou vo omadeu paizana vole ni mata o kativou ko noqola kama saevo.

1 Timoti 1:16

melai vo Baṉara inio akoezato saṉa o ile ti vo Jisu Karisito ta kasa o ike voko inobea taruano aṉa palopaloasia ruqea lala ko saevo kale, tu kota kama pado mamola kaqe se mainio kepa tuvevo puto amu kasi, seke kovo amu ko noqola kama saevo.

Matiu 19:26

Nio vo Jisu ta o toiritoirimake se ni eri ma kiolake, “Maba ta pui opa pakiovou o ṉavi melai Baṉara inio o pakievou vo, ako Baṉara o kiada inio o roveani sole ereko kiadama quli,” kiolake.

Matiu 19:15

Nio Jisu ta oma ivikake voko ṉase ni mauru o imake se ni o mati vararaitake se. Ni koko tova inio o vaemake.