Matiu 13:46 - BAṈARA KO VAIRU AMA LEVELEVEO

⁴⁶ ni vota o kati inota ka pado matu bulebule ama ni vota ota olake ni okai tatabaraovake kiadama voko lomaloma, sai kazo inio o tatabaraeka koa jiku. Omadeuvo so jari nio kota ko male tu ṉamuko kiadama quli Baṉara ko lekasa puo kai amaqeo kale.

Matiu 13:46 Referans Kwoze

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Kolosi 2:3

Vo o kiada inio o roveani melai nianiiekiko vo Baṉara ko mutamuta kama nianiio.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Matiu 13:44

“Vo Baṉara ko lekasa puo ta eri jari. Kala maba ta o kati inota kama mutamuta kama batiro miduku kale, ni vota mata o tova boutaeka melai vota ota matu zoleiva so sole vota ota olake tu kai tatabaraole kiadama voko lomaloma, ni o vaitake ni opa tatabaraekake koa miduku.

Kelokelozato 21:21

Ni koa toni omuqa veutu ta bavi kile ko toruru kale ko ereima. Ni koa matu peuru ko keve ta qolo ko kiada kama, bulebule ama qelasi jaria kapikapitoma.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Matiu 13:45

“Vo Baṉara ko lekasa puo ta mata eri jari. Kala maba ta o vailika kama bulebule ama jiku,

Matiu 13:47

“Vo Baṉara ko lekasa puo ta mata eri jari. Kake se abu ko maba madu ta ke risaeka seko saru ivere kale ni ke koa kubo azaazama niuniu poso.

Kelokelozato 18:12

Puliala ta opa tama tatabaraekou seko qolo ni siliva, ko kapikapitako lado poso ni bavi kile ko toruru poso. Ni puliala ta opa tama tatabaraekou seko tapo suma, ni soqu domu ama suma ni silika suma ni diri suma. Ni puliala ta opa tama tatabaraekou kiadavo ama papani poso, ko matu uria tui ama, ni azaazavo ama takula poso elopaniti ko taka kale ke erekako, ni matu tatabara kama papani, ni boronisi, ni aeani, ni mabolo.