Matiu 12:24 - BAṈARA KO VAIRU AMA LEVELEVEO

²⁴ Ni so keru se Parese madu keta ma viqa keru se maba madu seko pesio, seta eri kikelake, “Vota o rerika ko ziolo ako vo Setani, se ziolo poso vo lekasa inio o kativa vo ko pizato sole,” kikelake.

Matiu 12:24 Referans Kwoze

Maka 3:22

Ni kake vo Mosese ko Bazu kekai nianiiekatani seke kuevini Jerusalema azo ta eri kikelake, “Nea maba ta vo Setani inio ovai onobata. Vo Setani ziolo poso vo lekasa inio o kativa vo ko pizato inio o rerika ko ziolo,” kikelake.

Matiu 9:34

Melai se Parese madu ta eri kikelake, “Se ziolo poso vo lekasa inio o kativa vo koa pizato nio vota o rerika koa ziolo poso,” kikelake.

Luke 11:15

melai kama vaba maba poso ta eri kikelake, “Vo Setani, ziolo vo lekasa, inio o kativa ko pizato vo Jisu inio vota o rerika koa ziolo poso,” kikelake.

Matiu 9:32

Ni nioqa omuqa maba ko tova inio kake maba madu ta ke vati olake kala maba pui o pesiani Jisu kasi, ako vota ziolo kovai onobatani sole.

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Luke 11:14

Ni Jisu ta o rerivake kala pado ziolo ube o ikazatani, ni so keru voa ziolo o rerizia keru voa maba ube o ivani tona azo, voa maba ta ota pesiake. Nio koa matu padopadoilo maba poso ta aqasiele keta evake,