Matiu 11:6 - BAṈARA KO VAIRU AMA LEVELEVEO

⁶ Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Matiu 11:6 Referans Kwoze

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

Matiu 26:31

Nio Jisu ta mata eri kiolake sea disaipeli madu kasi, “Oduadu ipu kale mea kiada mela ta meda soqoilou ni ukaka me ilou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Jone 6:66

Ni koa Jisu ko pesio kale avo inio kubo madu vo ke lulueveni ta keta epeike ni keta epezake luluevo vo.

Matiu 24:10

Ni matu kubo maba madu ta ke vaekou seko oqu, ni keta saiqorikiniou ke ṉavio kude ni keta kanaekiniou.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

Matiu 18:7

Matu ruqe ama quli kio komai barolou komia peuru ma peuru kale ama maba poso ako seta ruqe ke ima maba poso sole seko oqu kale. Soama ruqe ama iruruputo ta pui kopa epezou komia peuru ma peuru kale, melai matuma koqotato ikio ke kovou sea maba poso seke saruemani edolomu!

Qelesia 5:11

A qaka ni visi poso, aṉata pui a nianiiekimani lala se maba madu tu ke moveilo. Aṉata aqai nianiiekata ko moveilo tea, se maba poso ta pui nio kepa lai kaikuapo. Ako so tea, aṉako kai bazubazuto vo Jisu ko vou korosi topi ama ta pui tapata kopa mai elou se.

Luke 2:34

Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Matiu 5:29

Ni kama quli ṉoko saevo kale ama ta sarueko saṉa ko iṉou ṉo, ta ṉota ṉo ṉamukou ko. Kota tapata tu ṉamuko ko, melai uri tu ṉamuka, ako matu tapata kio tu ṉoko pado ama saevo ta ko ṉamuilou heli kale sole. Omadeuvo ṉota ṉo ṉamuka jari ṉoko palo rana vilu, ko ruqe ama zario saṉa ko iṉako ṉo, ma ṉota ṉo ṉamuka jari ṉoko palo rana ṉase ko ruqe ama kalo saṉa ko iṉako ṉo. Ako pui uri tu kiadama ṉoko saevo ta ko ṉamuilou heli kale omadeu pado ṉoko ruqe ama kalo ko saruilo kale.”

Matiu 13:21

Melai ko bazu ta pui ko matu saqora seko kerukeru kale, sole pui tu ko keuva. Nio tapata ni naqunaquto komai baroa keru koa bazu kale avo seta ke vaeka seko oqu.

Maka 6:3

Ako vota kamada inio, ko Mere vo meqora, ni voko visi poso inio se Jemisi ni Josepa ni Jiudasi ni Saimone, ni voko saqi poso melai koi nio seko peuru melai,” kikelake. So sole seta maba kevai kaikuapake se Nazareti amu.

Luke 7:23

Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Jone 16:1

“Kiadama soama quli ta lula a melai bazueka me tu meta pui me epezikou meko lai oqu aṉa.