Matiu 11:30 - BAṈARA KO VAIRU AMA LEVELEVEO

³⁰ Ako aṉako nianiiekato ta pui tapata kama, ni aṉa a qatimelo ama bouro ta aukozo ama sole,” kiolake vo Jisu.

Matiu 11:30 Referans Kwoze

1 Jone 5:3

Roquevo vo Baṉara ta zoriko voko bazu. Ni vo Baṉara ko bazu ta pui tapata kama anime kasi.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

Qelesia 5:1

Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

Qelesia 5:18

Melai meta me zarievou vo Baṉara vo Auvana tu o odiemelou me, so inio kasa ko elou ta meta pui vo Mosese ko Bazu kale me evani mela.

Iruruputo 15:10

Noi sole inio meta meqa zaria meomeovo vo Baṉara meko mai sakeko kale ko duki ama bouro seke tuvevo putani, ko anime ni animeko taite poso pui meba roveovima boriko?

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

Iruruputo 15:28

Vo Tabu ala Auvana ni eṉe ta lula omadeu ṉe ika eṉeko zario tu puliama edoloma bouro ta ko elou me tona melai komia qulepo ama bazu poso ko kiada ta me qati vailou, ko eri:

Matiu 12:1

Ni puliako tu keu Jisu ni voko disaipeli madu ta ke alokatake kama vuiti kiaro kale Sabati ṉaniu kale. Nio voko disaipeli madu ta keta luapake, ni keta kajorake ko vuiti ko rurururu ni keta vuatake.