Matiu 11:29 - BAṈARA KO VAIRU AMA LEVELEVEO

²⁹ Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Matiu 11:29 Referans Kwoze

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.

Jone 13:15

So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me.

Matiu 7:24

Nio vo Jisu ta mata eri ma kiolake se, “Kala vo o viqani komia aṉako bazubazu ni o luluekani ta kala nianiiola maba jari, vo o orumukani voko pade miduku sama lado topi.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Pilipai 2:5

Ni meko saevo kale meta kerukerutomo ni kamo vo Jisu Karisito o kaevo jari.

Matiu 21:5

“Meta bazuemomo Jerusalema peuru kale amu, keatini, mevo aikovakova ta obeta kueva mekasi, ni vota matu zarazarailo ala ni obeta talia doqi kale, ka pado doqi vo meqora kale.”

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

1 Tesalonaika 4:2

Ako meta meqai nianiiani mela inio koa bazu poso ko eṉe lula ṉe qatimelako me vo Lekasa Jisu ko ṉikale.

Jone 13:17

Erisaṉa meta me baqumuka koa korokoroti ama kalo ko meme ereko ama, so sole meta me erekou koa kalo inio meta maurumaurua mela meda elou.

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

1 Koriniti 9:21

Koa omadeuma keve kale, so keru aṉa abeta iruruputa keru pui Jiu amu sase, aṉata se pui Jiu amu jaria elo a eva, aṉako pui lulueko kale Mosese ko Bazu, tu aṉata a lilimo se pui Jiu amu. Komi ta pui kota la epezikako ikio ko aṉako tava zoriko vo Baṉara ko Bazu. Melai aṉata a lulueka vo Karisito ko Bazu tu a lulueko Baṉara ko Bazu.

Iruruputo 7:37

Ni Mosese inio vo eri kioveni sea Izireli ama maba poso kasi, ‘Baṉara ta o melai soroevou me kala pado Poropita, omadeuvo vota o soroela aṉa jari, ni vota kala pado me ṉaviko qoqono kale ala,’ kioveni.

Luke 8:35

Nio saizama maba poso ta ke olake kelole koko ereilama quli, ni so keru seke baroa keru sai Jisu kasi, seta ke veake voa maba vo ziolo lula kota va akoivani ta obeta papuake Jisu ko kiti kasi, uria saboilola ni voko kerukeru ta lula uri kovai evani. Ni sea kiadamu ta keta matu ṉake.