Matiu 11:1 - BAṈARA KO VAIRU AMA LEVELEVEO

¹ Ni vo Jisu ta o paikake kai pesipesito koa voko nianiiekato o ṉaviko toni omuqa disaipeli madu kasi, ni vota o vaekake koa zae, ni ota olake nianiiekatole ni bazubazutole Qalili zavaṉa poso kale.

Matiu 11:1 Referans Kwoze

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Luke 8:1

Ni kama taku poso ko tova inio Jisu ta o lipilipitake matuma ni silo ama peuru poso kale, ni okai bazubazutake ko Uri ama Bazu vo Baṉara ko lekasa puo ko. Ni sea toni omuqa disaipeli ta ke olake vo sate,

Matiu 9:35

Ni vo Jisu ta okai taliake kiadama matumatuma peuru poso ni silosilo ama zavaṉa poso. Ni vota o nianiiekatake seko ilusato ko pade poso kale, ni okai bazubazutake ko Uri ama Bazu vo Baṉara ko lekasa puo ko. Ni vota o urikimake maba poso seko azaazama vere poso kale azo.

2 Tesalonaika 3:10

So keru eṉe ṉe eve keru mekasi, ta eri nio kiṉevevo mekasi, “Kala maba ta o lupaovou iruruputo ta vota pui o vuatou,” kiṉevevo.

2 Tesalonaika 3:6

Ṉe qaka ni visi poso mela, eṉeta ṉe bazuemela me vo Lekasa Jisu Karisito ṉikale tu meta tama papariomo se utu elo ke evani lotu maba poso se pui ke luluekani ko nianiiekato ko eṉe ṉe qatimelema me.

1 Tesalonaika 4:2

Ako meta meqai nianiiani mela inio koa bazu poso ko eṉe lula ṉe qatimelako me vo Lekasa Jisu ko ṉikale.

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

Jone 15:14

Ni meta me erekou kiadama aṉa a melai bazuekako quli inio meta aṉako baerebaere poso mela.

Jone 15:10

Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 7:28

Nio vo Jisu ta o paikake voko bazubazuto, ni sea vaki ta kekai vuzeike voko nianiiekimo se,

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

1 Timoti 6:14

tu ṉota zorika ṉoko soru poso ni ṉo qati vailou ti kobeta barolou koa ṉaniu kale so keru animevo Lekasa Jisu Karisito o puratou keru.

Maka 6:12

So sole seta keta olake ni ke bazubazutake tu maba madu ta ke liliziovou seko ruqe kale azo.

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.