Maka 8:2 - BAṈARA KO VAIRU AMA LEVELEVEO

² “Aṉata a matu roquema nia maba poso, ako seta lula zouke ṉaniu keta eva sole anime kasi ni vairutu seta puliama sailao samu.

Maka 8:2 Referans Kwoze

Matiu 9:36

Ni so keru o mea keru matu kubo maba madu inio vota o matu roquemake se, ako seta duki ni puliama tauvezato samu sole, omadeuvo ko sipi puliama koko vijaro ko maba sama jari.

Hiburu 5:2

Vota lekuleku o eva kubo quli kale, so sole vota o rovea tu baisemo se pui kai nianiio kale ke erekani ko sarueko ni seke saruivani maba poso.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.

Luke 15:20

So sole vota o zolaike ni o vaitake vovo Mama kasi. “Ni so keru vo obeta kueva keru puliako sipole iko ko pade, inio vovo mama ta o veake vo; voa mama ta o matu roquevake vo, nio vota o rereake ni o toraevake ni o zuzuevake ni o lumevake vo.

Luke 7:13

Ni Jisu ta o keake ko ni o roquekake ko ni eri kiolake kokasi, “Pui zialo,” kiolake.

Maka 9:22

Ni matu kubo taku inio koa ziolo ta kokai zaria tu vouvaevo nea rusu so sole kota ko piva uza kale ni jukale. Sole ṉota ṉo rovea tea, ṉota roqueṉela ni tauveṉela eṉe,” kiolake.

Maka 6:34

Nio so keru Jisu o saqora keru vaka topi azo, vota o meake sea matuma vaki, ni vota o matu roquemake se ako seta puliama vilua pikopiko samu jari sole, omadeuvo ko sipi puliama koko vijaro ko maba sama jari. Nio vota o mati nianiiekikake matu kubo bazubazu.

Maka 5:19

Melai Jisu ta pui o zarievake vo tu vota o luluevou vo, melai vota eri kiolake vokasi, “Ṉota vaite ṉo bade kasi tu pa mea ṉo mabamu, ni ṉota ṉo ziovou ni ṉo bazuemou se vo Baṉara ko urikiṉo voko baiseo kale.”

Maka 1:41

Ni vo Jisu ta o matu roquevake vo, ni o rauqazake ni o tibaevake vo ni eri kiolake vokasi, “Aqa zaria, tu urike!” kiolake.

Matiu 20:34

Nio vo Jisu ta o matu roquekake nioqa ni ota ka kamakake nioqako vilu ni maba koa taku kale inio nioqata qota roveake kelokelozato. Ni nioqata qo luluevake vo Jisu.

Matiu 14:14

So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Maka 6:32

So sole seta keta pakeake koa toupa ko koa pake olomoiza kama zaekale.

Maka 8:3

Ni aṉata pui aqa zaria vaitoemo se puliako niaemo, ako lekuleku ke ekale sole ke vaitou keru ke peuru poso kale, ako kake ta matu vaṉʼazo ke kuevini sole,” kiolake vo Jisu.