Maka 10:2 - BAṈARA KO VAIRU AMA LEVELEVEO

² Ni kake Parese madu ta ke olake Jisu kasi tu ke madoevo vo tu keta va kelo kama sarueko kikelake. Ni seta eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko ma pui?” kikelake.

Maka 10:2 Referans Kwoze

Jone 8:6

Seta so kikelake tu seta ke madoevo, tu seta kevai zuakaeko ko titizato kikelake sole. Melai Jisu ta ota loquloqutake puliama pesio sate ni ota rikitake miduku topi voko ṉase kale ama seseu kale.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

1 Koriniti 10:9

Animeta pui me madoevo vo Karisito tu tava kelo vota o titizimelou ma pui kio, omadeuvo kake seke iveni jari. Seta so ke kae nio ko dole poso ta ko vouvaemake se.

Jone 11:57

Ako se raura kama siama madu ni Parese madu ta lula ke bazuema se maba poso tu kala vo okai nianiiovo ala sai vo Jisu o evakoi ta okai bazutou, tu seta ke noqoevo vo.

Jone 11:47

So sole se Parese madu ni se raura kama siama poso ta ke padoivake se Jiu ama lotu tanatanamu ko Kauniseli madu sase seko padoilo kale nio eri kikelake, “Loma ikio animeta me erekou? Keatini nea maba ta o ereka kiadama aqasiele ama iruruputo sole!

Jone 7:48

Meta mevai nianiiani nio kala pado sea tanatanamu azo ma kala pado eṉea Parese ṉela azo ko tuvevo puevo vo kio?

Jone 7:32

Ni se Parese madu ta keta ma viqake sea matu padopadoilo vai vazavazao vo Jisu, ta vota vo Baṉara o soroeveni Pakio nio kio, so sole sea Parese madu ni se raura kama siama madu ta ke soroemake se Jelepade ko vailo ko maba madu tu kepa noqoevo vo Jisu kikelake.

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Luke 11:39

So sole vo Lekasa Jisu ta eri kiolake vokasi, “Mea Parese poso mela ta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo.

Luke 7:30

Melai se Parese madu ni Mosese ko Bazu kekai nianiiekatani ta ke tizaekake vo Baṉara ko vatolo sekale avo ama, ni keta lupaoke bapitaiso puilo vo Jone ko bapitaiso kale.

Luke 6:7

Nio kake se Mosese ko Bazu kekai nianiiekatani maba poso ni Parese poso ta keka zariake kama keve kale tava kelo ko saruilo Jisu ko, tu kuiripato saṉa ke ivo kokale kikelake, sole seta keta vati matu vailake tu keta va kelo esa vota o urikatou Sabati ṉaniu kale.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Maka 8:15

Ni Jisu ta o balauvimake se ni eri kiolake, “Taka balauvomo se Parese madu ni Herodi ko isiti,” kiolake.

Maka 8:11

Ni kake Parese madu ta ke olake Jisu kasi ni kekai zariake madoevo vo, tu keta va kelo kama saruilo. So sole seta ke soroevake vo tu oma ereko kama aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu kio.

Matiu 22:35

Ni kala se azo ta vo Mosese ko Bazu okai nianiiekatani sole vo inio ovai zariake tu zaraevo ni madoevo vo Jisu voko kuimanao kale ni eri kiolake,

Matiu 19:3

Ni kake se Parese madu ta ke olake Jisu kasi tu zara ke ivo seko madoevo kale, ni eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko kama kalo poso kale?” kikelake.

Matiu 16:1

Ni kake Parese madu ni Sadiusi madu ta ke olake Jisu kasi ni keka zariake zara ivo vo Jisu seko madoevo kale, so sole seta ke soroevake vo tu oma ereko ko aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu.

Matiu 15:12

Nio se disaipeli madu ta ke olake Jisu ko sipole ni eri kikelake, “Se Parese madu ta duki kekai eva ni kekai kaikuapa ṉoṉo qasekako quli.”

Matiu 9:34

Melai se Parese madu ta eri kikelake, “Se ziolo poso vo lekasa inio o kativa vo koa pizato nio vota o rerika koa ziolo poso,” kikelake.

Maka 10:1

Ni Jisu ta o vaekake koa zae, ni ota olake Jiudia rana ni ota pakeake Jodani sukuru kale. Ni sai nio matu kubo maba ta mata kevai padoivake, ni vota o nianiiekimake se, kiada keru obeta kavani.

Maka 10:3

Ni Jisu ta oma opatake ni eri kiolake, “Loma quli Bazu ikio vo Mosese o katimelema me?”