Luke 9:43 - BAṈARA KO VAIRU AMA LEVELEVEO

⁴³ Nio kiadama maba poso sai ke padoivani ta kekai vuzeike vo Baṉara ko matuma pizato. Ni se maba poso kebe kai vuzeiva keru kiadama quli vo Jisu o erekema, so keru inio vo Jisu ta eri kiolake voko disaipeli madu kasi,

Luke 9:43 Referans Kwoze

Matiu 17:22

Ni koko tova se disaipeli madu ta ke padoivake ka pado zaekale Qalili, sai nio Jisu ta eri kiolake sekasi, “Aṉa maba a eveni lala ta ke vaelou se ruqe ama maba poso ko ṉase topi,

2 Pita 1:16

Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.

Luke 8:25

Ni vota eri ma kiolake sea disaipeli madu, “Noi nio meta puliama oqu samela?” ma kiolake. Ni seta keta vuzeike ni keta ṉake, nio eri kikelake ke ṉavio kude, “Lala inio nea maba? Ako ururu ni ololobagea melai o riqaekani ni ko zorivani!” kikelake.

Luke 5:26

Nio sea kiadamu ta keta matu vuzeike. Ni keta matu ṉake, ni seta ke ilusivake vo Baṉara ni eri kikelake, “Matu aqasiele ama quli me qealama vairutu!” kikelake.

Luke 4:36

Nio sea kiadama maba poso ta keta vuzeike, ni eri kikelake ke ṉavio kude, “Loma quli pesio ikio komi? Ako nea maba ta pizato sala ni okai riqaeka ko ziolo poso, ni kota ko zoriva sole!” kikelake.

Luke 5:9

Ako vo ni vokale amu sea kiadamu ta kekai vuzeike koa matu kubo niuniu ke koema sole.

Maka 6:51

Ni vota ota zazuke sekasi koa vaka topi, ni ko ururu ta kota jamaoke. Ni sea disaipeli madu ta keta matu vuzeike,

Luke 9:42

Ni so keru voa rusu o kueva keru vo Jisu kasi inio koa ziolo ta ko pivake vo miduku kale ni kota ko matu niuqeniuqelivake. Nio Jisu ta o riqaekake koa ziolo, ni o urikivake voa rusu, ni vota o kativake vovo mama.

Luke 18:43

Ni maba koa taku kale inio vota o roveake kelokelozato, ni vota o luluevake vo Jisu, ni o ilusivake vo Baṉara. Nio koa matuma vaki ta ke keake ko, ni sea kiadamu ta ke ilusivake vo Baṉara.