Luke 9:30 - BAṈARA KO VAIRU AMA LEVELEVEO

³⁰ Ni omuqa maba ta ota podolo pesio qo vati evake vo. Nioqata Mosese ni Ilaija inio.

Luke 9:30 Referans Kwoze

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Luke 9:19

Ni seta eri kikelake, “Kake ta Jone Bapitaiso ṉa ṉa kikela. Mata kake ta Ilaija ṉa ṉa kikela. Ni mata kake ta mata kala lulala poropita ta mata ota tova saeva voukale azo inio ṉa kikela,” vati kikelake.

Luke 1:17

Vota o ziovou vo Lekasa ko kuleto, Baṉara ko piza kama Auvana sala omadeuvo vo poropita Ilaija jari. Vota mata o tova odouvimou se mama poso ni se meqora poso; ni vota o lilimou se bikobikoirato ko maba poso se sidopu amu ko nianiiekato kasi, ni vota inaina kamu o imou kama qoqono vo Lekasa kaqe,” kiolake vo Baṉara vo mateana.

Luke 9:29

Ni so keru vo obeta vararaita keru inio voko loilo ta kota besiziake ni edolovoa velo ota evake, ni voko sabosabo ta kapi jaria tapo simanamanato kota evake.

Luke 9:31

Ni nioqata qo podakake vokasi matuma ṉaṉaidara sate, ni nioqata qo vati pesipesitake vo Jisu vo o iko avo korotiko vo Baṉara ko vatolo voko voukale sai Jerusalema.