Luke 5:5 - BAṈARA KO VAIRU AMA LEVELEVEO

⁵ Nio Saimone ta eri kiolake, “Lekasa, eṉeta ṉe matu iruruputala pado ama ipu kale melai pulia quli ṉeba koala. Melai ṉoko so kio kale, aṉata a bikou ko vaqara poso,” kiolake.

Luke 5:5 Referans Kwoze

Jone 2:5

Nio Jisu ko niania ta ko bazuemake se nabulu poso, “Meta me erekou ko quli vo o melati sorueko ama quli,” kikolake.

Jone 15:14

Ni meta me erekou kiadama aṉa a melai bazuekako quli inio meta aṉako baerebaere poso mela.

Jone 21:3

Nio Saimone Pita ta eri kiolake sekasi, “Aṉata ada zio sabaole,” kiolake. Ni seta, “Uri. Eṉe melai ṉe lulueṉou,” kikelake. So sole seta ke olake nio ke zazuake koaka topi ni ke tadaoke, melai koa ipu ta puliama kama pado niuniu ke koake.

Luke 8:24

So sole se disaipeli madu ta kepa toirativake vo Jisu sai vo obeta maroṉakoi ni eri kikelake seko zaivota sama pesio kale, “Lekasa, Lekasa! Eṉeta ṉeda vouva!” kikelake. Nio Jisu ta o toiratake ni vota o riqaekake ko ururu ni matuma varo ololobagea sama, ni kota kota jamaoke ni matuma manilo kota evake.

Luke 17:13

seta ke nokaoke matuma kora kale ni eri kikelake, “Jisu, ṉe Lekasa! Ṉota roqueṉela tu urikiṉela!” kikelake.

Luke 9:33

Ni nioqa qope vaevou kiqola keru vo Jisu, inio Pita ta eri kiolake vokasi, “Lekasa, matu uri nio eṉeta koi ṉo sate. Sole uri tu eṉeta ṉe ereko koi zouke kokukoku, kala ta ṉovo, kala ta Mosese vo, kala pado ta Ilaija vo.” (Melai vota pui o uria vakakukake vo kiolani avo.)

Luke 9:49

Ni Jone ta eri kiolake, “Lekasa, eṉeta ṉe veala kala maba vo obe rerikani ko ziolo ṉoko ṉikale, ni eṉeta ṉe bazuevala vo tu o epezo, ako vota pui anime kale ala sole,” kiolake.

Luke 8:45

Nio Jisu ta o kuimanaoke ni eri kiolake, “Lala inio o tibaela aṉa?” kiolake. Nio kiadamu ta keta kamiziake, ni Pita inio eri kiolake, “Lekasa, maba poso ta ṉoko levoano ni matuma vaki ta ko zaitiṉa ṉo,” kiolake.