Luke 5:33 - BAṈARA KO VAIRU AMA LEVELEVEO

³³ Nio kake maba poso ta eri kikelake Jisu kasi, “Vo Jone Bapitaiso ko disaipeli madu ta kubo taku ke tabutabua seko pui vuato kale, ni ke vararaita, ni so jari se Parese poso ko lulupato ko maba madu, melai noi nio ṉoko disaipeli madu ta ke keazaita ni ke nozuta kiada keru?” kikelake.

Luke 5:33 Referans Kwoze

Luke 20:47

Se inio keta ma bibizikani naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!” kiolake.

Luke 18:12

Aṉata a dabutabua omuqa ṉaniu omadeu vuiki kale ni aṉata a qatiṉani lala ṉo aṉako toni ama kiadama aṉako koazato kale ama,’ kiolake.

Iruruputo 9:11

Nio vo Lekasa ta eri kiolake vokasi, “Inainaovi ni lulueka ko keve Sidopu ama Keve kekai nokaekako, ni Jiudasi ko pade kasi nio ṉova kuimanaovou vo Tasisi ala maba Saula o ṉi sala. Vota obeta vararaita,

Jone 3:25

Nio vo Jone ko disaipeli madu ta ke vati zolizoliekiniake kala pado Jiu ala maba seko lotu kale ama pusailo ko kio kale avo.

Jone 1:35

Ni koko raneo kale inio Jone ta mata obeta evake sai omuqa voko disaipeli kidi sase,

Luke 11:1

Kama pado ṉaniu kale inio Jisu ta o vararaitake kama pado zaekale. Ni vo o paika keru vararaito inio kala vovo disaipeli ta eri kiolake vokasi, “Lekasa, ṉelati vakakuka eṉe ko vararaito ko kalo, omadeuvo vo Jone o mati vakakuke jari voko disaipeli madu,” kiolake.

Maka 12:40

Se inio keta ma bibizikani se naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!”

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Luke 2:37

Kota roroto ama ko eve sikeura sabere ni kovo lasive ta o vouvake ni naboko ko evake, ni koa taku ta kota siotolu toni ariku sabere ama. Kota kiada keru ko olake Jelepade kale, ipu ni ṉaniu ni ko ilusivake vo Baṉara, ni ko tabutabuake ni ko vararaitake.

Luke 5:32

Aṉata pui a queva tu lilimole se sidopu amu, melai lilimole se ruqe amu,” kiolake.

Luke 5:34

Nio Jisu ta eri kiolake sekasi, “Uri kio ko sea poso ke baerebaereovani vo o vairua rorotani ko bau vuato kale ta ke tabutabuo sekasi obeta eva keru vo, kio? Maba pui!