Luke 3:12 - BAṈARA KO VAIRU AMA LEVELEVEO

¹² Ni kake se takisi ke koani ta ke kuevake tu ke bapitaiso puilo kikelake, nio seta ke kuimaevake vo ni eri kikelake, “Tanala, loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake.

Luke 3:12 Referans Kwoze

Luke 7:29

Ni kiadama maba poso ni takisi ke koani ta keta va viqake vo, se lula ke zorikeni vo Baṉara ko sidopu kikolani, ni se lula bapitaiso keta eveni Jone ko bapitaiso kale.

Luke 18:13

Melai vo takisi o koani maba ta o lojoake sasa vaṉa buti ni ota paṉaoke tadatiko voko loilo aukasi, melai vota o pazokake voko dumidumi voko duki kai elo kale voko sarueko poso ni eri kiolake, ‘Baṉara, ṉota akoela aṉa, aṉata ruqea lala sole!’ kiolake.”

Matiu 5:46

So sole meta me roquemou pala seke roquemelani me, ta pui ko male tu vo Baṉara ta reketekete saṉa o imelo me, ako se ruqe amu se takisi ke koani melai keta rovea ereko sole so jari.

Luke 3:10

Ni sea padopadoilo ta ke kuimaevake vo ni eri kikelake, “Sole loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake.

Luke 3:13

Nio vota o mati tiorikake se ni eri ma kiolake, “Meta pui me mati raurarauraekou tama kovo ko takisi ko podepodeti,” ma kiolake.

Iruruputo 2:37

Ni so keru se maba madu ke viqa keru ko quli, kota kota ma jataekake seko bulo ni eri kikelake Pita ni sea kiadama apositolo madu kasi, “Baerebaere poso, sole eṉeta noi nio ṉe qalou?” kikelake.