Luke 22:19 - BAṈARA KO VAIRU AMA LEVELEVEO

¹⁹ Ni vota o koake ko bereti, ni o kasekake voko uriavo sama pesio Baṉara kasi, ni o palamukake ko, ni o katimake se, ni eri kiolake, “Komi ta ko mamola pueka aṉako tupu, ako aṉata a mela vouvou me sole. Meta me erekou komi aṉako kerukeruelo kaqe.”

Luke 22:19 Referans Kwoze

1 Koriniti 10:16

So keru anime me nozueka keru koa vaini ko ju ko anime mevai ilusikako animevo Lekasa ta ko kaseka animeko omadeu kai elo vo Karisito ko dara. Ni so keru anime me qua keru koa bereti anime me balamukako ta ko kaseka animeko omadeu kai elo vo Karisito ko tupu.

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

1 Koriniti 10:4

ni sea kiadamu inio ke nozuekake koa omadeuma ju vo Baṉara o katimema. Ako seta ke nozuekake koa ju vo Baṉara o reretikema koa lado kale koko luluemema se, ni koa lado ta o ṉavi Karisito.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

Matiu 14:19

Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso.

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

Luke 22:17

Nio Jisu ta mata o koake ko kapa vaini ko ju sama, ni vota o kativake vo Baṉara voko uriavo ni eri kiolake, “Meta komo komi ni kai okotomo nozueko muli.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

Qelesia 4:25

Sole kota Sainai sopu jari Arebia ni kota mata ko mamola pueka komia miduku kale ama Jiu mu ko matu peuru Jerusalema. Ako Jerusalema matu peuru ta mabaku niania jari, ni saizama maba poso Jiu mu ta koko mabaku meqora poso jari, vo Mosese ko Bazu ko mabaku madu.

Matiu 15:36

Ni vota opa koake koa sikeura silo ama bereti ni niuniu, ni o kati vararaitake ni uriavo o kasekake Baṉara kasi, ni o palapalamukake ni vota o katimake o disaipeli madu, ni se disaipeli madu ta ke puarikake sea maba poso kasi.