Luke 20:47 - BAṈARA KO VAIRU AMA LEVELEVEO

⁴⁷ Se inio keta ma bibizikani naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!” kiolake.

Luke 20:47 Referans Kwoze

Maka 12:40

Se inio keta ma bibizikani se naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!”

Jemisi 3:1

A lolo poso mela, pui uri tu kubo mela ta lotu kale ama nianiiekato ko maba poso elo. Ako meta meqai nianiia ta eṉe lotu kale ama nianiiekato ko maba poso ṉela ta ṉe qovou ko Baṉara ko matuma kuiripato kokai paloasako se pui nianiiekato ko maba poso ke kovo ama, ruqe ṉe erekou ta.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

1 Tesalonaika 2:5

Meta meqai nianiia ta puliaka taku inio eṉeta ṉeba oluoluemele me, ni vo Baṉara inio okai nianiiani ta eṉeta puliama viluloqu sama kerukeru kale inio eṉeta ṉe irurupute mekasi.

Matiu 23:14

“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako me inio meda ma bibizikani mela naboko poso ko pade poso meko ubeubemo kale, ni koko tova me inio meqai lipalipaitani mela ko rosi ama vararaito ubutiania tu maba madu ta ke mela lelou pala!

Luke 20:46

“Tama balauvomo se Mosese ko Bazu kekai nianiiekatani, seke lipiani seko rosia sabosabo sate tu maba poso ta ke rauraemo tatabarao ko zaekale sai maba poso ke padoivakoi. Ni tama balauvomo seke pitoekani kai papu raura kama papupapu ilusato ko pade kale ni ke pitoekani qulepo ama zae ṉojola kale.

Luke 21:1

Ni Jisu ta o tadatake ni o meake se batiro amu ke pikani seko seleni Jelepade kale sai kekai katizatako zaekale,