Luke 2:34 - BAṈARA KO VAIRU AMA LEVELEVEO

³⁴ Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Luke 2:34 Referans Kwoze

1 Koriniti 1:23

melai eṉeta ṉevai bazuta vo Karisito korosi topi o vovini, koa bazu ko kuvaruvarua kelo ama se Jiu amu kasi, ni se pui Jiu amu sarube ama ka kikelako.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.

Hiburu 7:7

Animeta me baqumuka ta vo mauru o ikazateni ta raura kala vo mauruto o koeni kasi azo kio.

Romu 9:32

Noi sole inio kota so kota kae? Ako seta pui kepa ka zariovi pataito vai oqu kale vo melai seta kekai oquake seke erekema quli sole. So inio seta keta tupariake koa “tupatupario ko lado” topi.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Iruruputo 24:5

Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani.

Iruruputo 17:6

Melai so keru se pui ke kea keru nioqa, seta ke rajaevake vo Jesoni ni so jari mata kake ke tuvevo putani koa peuru kale ama titizato ko maba poso ko tanama kale ni ke upaupatake ni eri kikelake, “Nioqia omuqa maba kidi nio tapata qo erekani nioqa kiadama zae poso kale! Ni nioqata qo kueva animeko peuru kale

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 4:26

Se peuru ma peuru kale ama aikovakova poso ta lula ke inainaova, ni se lekasa poso ta lula ke padoiva tu ke vati pazokinio vo Baṉara ni vo o pitoevani Pakio,’ ka kiovema.

Jone 5:18

Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.

Jone 3:20

Ako kiadama maba poso se boutare ke erekani ta kevai kideipa voa zakaremu ni seta pui kepa kilou voa zakaremu kasi, ako seta pui kasa ke ika seko ruqe ama kalo poso sole.

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Matiu 12:46

Ni vo Jisu obe mati pesipesita keru maba poso pade kale inio voko niania ni visi poso ta kebe baroake. Ni seta ke lojoake kupekupe, ako seta keva zariake vati pesio sole vo Jisu.

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Hiburu 7:1

Voa Melekizedeki ta Selema peuru kale lekasa o eveni ni Matu Raura kala Baṉara vo siama. So keru Ebarahami obeta vaita keru pazokinio kale azo opa ruvurime keru ariku lekasa, so keru inio Melekizedeki ta opa toraevake vo, ni vota o maurumauruevake vo,

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Luke 2:35

ni so inio ke puratikou seko mutamuta kama kerukeru poso. Ni ivo ama benisi jari ama upotuqu ta mata kota ṉa jataekou ṉoko bulo,” kiolake.