Luke 18:32 - BAṈARA KO VAIRU AMA LEVELEVEO

³² Seta ke lati ziovou aṉa se pui Jiu amu kasi, tu seta kelai balebaleitou ni ke niumaniumaelou ni kelai supatou.

Luke 18:32 Referans Kwoze

Luke 23:11

Nio Herodi ni voko solodia madu ta kevai balebaleitake ni ke zarazaraevake vo, ni seta kevai kiakake ko ileile ama rosia sabosabo ni ke vaitoevake Paelati kasi.

Iruruputo 3:13

Pui so inio, melai vo Ebarahami, ni Aisake, ni Jekopi vo Baṉara, vo animeko taite poso vo Baṉara, nio o erekani komi quli tu se maba poso ta ṉaṉaidara ke ivou vovo Nabulu Jisu. Melai meta me vaevake vo se Jiu ama tanatanamu ko ṉase topi, ni meta mevai kedui vo Paelati ko tanama kale, so keru vo Paelati ova zariovi tu o rupasivo vo va kiove keru.

Maka 14:65

Nio kake ta keva supatake vo, ni keta va lupikake voko vilu ni ke pazovake, ni eri kikelake, “Kaseva lala inio o pazoṉa!” kikelake. Ni se vailo ko maba madu ta ke vati olake ni ke pazovake.

Matiu 26:67

Nio kake ta keta vai supatake vo Jisu ko loilo, ni ke pazovake, ni kake ta ke qurativake vo seko tava pazoko kale voko loilo ke ṉase saresare kale

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Iruruputo 2:23

So keru vo o katiziovi keru meko pizato kale vo Baṉara ko vatolo ni korokoroti kale, meta mema luavive vo se kutumana kama maba madu ti seta ke mela vouvaevake vo korosi topi.

Jone 18:35

Nio Paelati ta o vati tiorikake vo ni eri kiolake, “Ṉota ṉo qerukeruta ta aṉata kala Jiua lala inio la kiṉola kio? Ṉo ṉaviko ṉisa mabamu ni se raura kama siama madu inio lula ke vaeṉalani aṉako pizato kale. Lai bazueka loma sarueko ikio ṉoṉo erekema?” va kiolake.

Jone 18:30

Nio seta ke vati tiorikake vo, ni eri kikelake, “Nea maba ta puliama ruqe ama quli lula o ereka tea, eṉeta pui nio ṉeba vati kilo ṉokasi,” kikelake.

Jone 18:22

Ni so keru vo so kiove keru, kala pado sea vailo ko maba poso azo ta ota va pazokake Jisu ko loilo ṉase saresare kale nio eri kiolake vokasi, “Koa kalo kale inio ṉota ṉova opata vo Ṉisa Siama kio?” kiolake.

Luke 23:35

Ni se maba madu ta ke lojoake sai ni ke toiritoirizatake, ni se Jiu ama tanatanamu ta kevai balebaleitake vo, ni eri kikelake, “Edolomu inio o pakiemani, vaeka tu o pakizio o ṉavi voa Pakio o elou ta, ni Baṉara o pitoeveni o elou ta!” kikelake.

Luke 23:1

Ni koa pado ama vaki ta ko zolaike ni ke vati olake vo Jisu voa Romu ala Qavuna Paelati ko kuleto,

Matiu 27:2

Sole seta keta va piriekake voko ṉase ni ke vati olake ni kepa vaevake vo Romu ala Qavuna Paelati ko pade kasi.

Jone 18:28

Ni seta ke vati olake vo Jisu Kaepasi ko pade kasi azo Romu ala Qavuna, vo Paelati ko matu pade kasi. Koa taku ta omadeu lekito, nio se Jiu amu ta pui ke amaqeake voa Qavuna ko pade kale, ako vota pui Jiu ala ni seta Jiu amu sole, ako seta keka zariake tu bulebule amu ke roveo kuo ko Alokato ko ṉojola ko sailao koa ṉaniu kale ama kikelake sole.

Maka 15:1

Omadeu vikale inio se raura kama siama madu ni se lotu tanatanamu, ni vo Mosese ko Bazu kekai nianiiekatani, ni sea kiadama matuma maba poso ta ke padoivake tu ke vatoeko Jisu ke ivo avo. Nio seta keta va piriekake voko ṉase, ni ke vati olake ni kepa vaevake Romu ala Qavuna Paelati ko pade kasi.

Matiu 20:19

Nio seta mata ke lati ziovou aṉa se pui Jiu amu kasi tu seta kelai balebaleitou ni ke sisiparuelou ni ke patoelou korosi topi. Melai zouke ala ṉaniu kale inio mata ada tova saevou,” kiolake vo Jisu.

Matiu 22:6

Ni kake sea maba madu ta ke noqoemake voa lekasa ko nabulu madu ni ke pazomake ni ke vouvaemake se.

Luke 18:33

Ni seta ke sisiparu puelou ni ke vouvaelou, melai zouke ala ṉaniu kale inio aṉata mata ada tova saevou,” kiolake.

Jone 18:32

Ko so kokai kaevo ta, tu kota ko tuvevo pueko o ṉavi Jisu lula o kasekema noni ama ikio koa vou vo okai vouvo ama.