Luke 16:1 - BAṈARA KO VAIRU AMA LEVELEVEO

¹ Ni Jisu ta mata eri kiolake voko disaipeli madu kasi, “Inevoana kala pado batiro ala maba vo o ṉeamuvani kala vailo ko maba vo o kati vailani ni o korotikani voko seleni ni lomaloma. Ni voa batiro ala maba ta ovai kuirikake ta vovo vailo ko maba ta lula ota va ajoeka voko seleni kiolake.

Luke 16:1 Referans Kwoze

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Jemisi 4:3

So keru meme baseka keru, meta pui me qoa ko quli meme basekako quli, ako meko zio ta edolovo sole, ako meta me baseka ko quli me ṉaviko zario ko quli pala sole.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Luke 15:30

Melai nea ṉovo meqora vo ota ṉa ruvurikani ṉoko seleni takuto iruruputo kale, ta o vaita keru peuru kale inio ṉota ṉova vouvaeka ko posu ama bulumakau ko meqora!’ kiolake.

Luke 15:13

Ni puliako tu keu nio voa visi ala meqora ta okai tatabaraovake kiadama voko kena koa lomaloma ni seleni okai koake ti obe vaekake inio o peuru. Ni vota ota olake kala vaṉala matu peuru kale, ni sai nio vota o ruvurikake voko seleni ruqe ama iruruputo kale ni olaquavo ota evake.

Luke 19:20

“Ni kala pado nabulu ta o kuevake ni eri kiolake, ‘Tanala, komi ta ṉo qolo seleni. Aṉata a judeke suma kale ni a dukieke ko.

Luke 16:19

Ni Jisu ta obeta olake pesio ni eri kiolake, “Kala batiro ala maba ta obeta evake vo okai saboivani ko matu ileile ama sabosabo matu tatabara kama ni kiadama ṉaniu o matu uria vuatani.

Luke 8:3

ni Joana, Kuza ko reko Herodi vo raura kala nabulu, ni Susana, ni mata kubo rekoreko, se kemai tauvekeni Jisu ni voko disaipeli madu seko lomaloma ni seleni.

Matiu 20:8

“Sipole ṉaniu o sulupou kiola keru inio nea vaini kiaro ko tanala ta o bazuevake vovo iruruputo maba ko kuleto ala tu vota o odiemou seke iruruputani tu o tabarimo se. Nio vo o tabarima keru vota o taniekake tabarimo se tova ke taniteni iruruputo kasi azo ti obeta baroake se kuleto ke iruruputeni kasi.

Luke 16:2

So sole voa lekasa ta o odievake voa vailo ko maba ni eri va kiolake, ‘Noi nio ko quli aṉa ṉo ada ṉa viqako? Kati kua ko iruruputo ko buka tu korotika ataeko, ako ṉota ṉo baika aṉavo vailo ko maba elo erisaṉa sole,’ kiolake.