Kolosi 4:5 - BAṈARA KO VAIRU AMA LEVELEVEO

⁵ Meta nianiio emo meko iruruputo kale se pui ke tuvevo putani maba poso kasi, tu meko taku ta pui ko ṉamuilo meko kaseko keru ko Uri ama Bazu.

Kolosi 4:5 Referans Kwoze

1 Tesalonaika 4:12

Koa keve kale inio se pui nio ke tuvevo putani ta keta mela paṉaovou, ni meta pui meba ziovoziovoitou sekasi pasekole ko saevo ko korotikako quli.

Jemisi 3:13

Kala me azo ta nianiiola ni paqumato sala, kiovo ala, vota kasa o ikou voko uri ama saevo kale. Vota kasa o ikou koa uri ama kalo, zarazarailo ni raura kama nianiio ko puratikako.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Matiu 10:16

“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.

1 Timoti 3:7

Vota kala maba se keta va paṉaovo ala se pui lotu maba poso tu vota pui o kovou ko kuiripato ni vo Setani ta pui soa sipativo o elo.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Maka 4:11

Nio Jisu ta eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai sea kupekupe ke evani maba poso ta ke viqou pala inio podepodeti kale.

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

1 Pita 3:1

Ni koa omadeuma kalo kale inio me rekoreko poso mela ta me zorimou meko lasive poso. So inio meko lasive poso ta pui kebe tuvevo puekou vo Baṉara ko Bazu melai meko uri ama kalo kale inio meta me lilimou se tu seta ke zorikou vo Baṉara ko Bazu, pulia quli mebe kasekou melai.