Kolosi 2:5 - BAṈARA KO VAIRU AMA LEVELEVEO

⁵ Ako aṉata pui a evani lala mekasi, melai aṉako kerukeru ta me tona, ni aṉata ada zoleiva so keru aṉa a viqa keru meko omadeu vatolo elo, ni pizaka lojo Karisito vai oqu kale.

Kolosi 2:5 Referans Kwoze

1 Tesalonaika 2:17

Ṉe visi poso mela, eṉeta ṉeda pitasia saita mekasi azo, melai pui eṉeko kerukeru kale. Ako eṉeko pitasio kale mekasi azo eṉeta ṉe matu roquemele me ni ṉe matu madoekake tu mata ṉe mela lelo me.

1 Pita 5:9

Meta vinaimo meko oqu kale ni vati pazokiniomo vo Setani, ako meta meqai nianiia ta meko lotu tamania komia peuru ma peuru kale amu ta ke koa koa omadeuma tolailo meme qoako jari ama sole.

1 Koriniti 16:13

Vailomo ni pizaka lojolo emo meko vai oqu kale vo Lekasa Jisu, parani putomo ni pizatomo.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

1 Koriniti 14:40

Ni meta erekomo koa kiadama quli uria korokoroti ni sidopu ama keve kale.

Hiburu 6:19

Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.

1 Tesalonaika 3:8

ni eṉeta ṉeda matu zoleiva ako meta pizaka lojo me eva sole meko omadeu vati elo kale vo Lekasa Jisu.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Kolosi 2:1

Aṉata aqa zaria bazuemelo me aṉako mela matu koidipo me, ni se Leodisia mu, ni kiadamu se pui ke toraelani aṉa.

1 Koriniti 11:34

Ni vo o luapani ta o vuatou o ṉaviko pade kasi kuleto, tu meta puliama kuiripato me qovou meko lotu padoilo kale. Ni ko kobeta evako quli poso ko meme qasekema meko riki kale ta a roveovou melati korotiko so keru aṉa a melai kilou keru.

Iruruputo 2:42

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.