Jone 9:5 - BAṈARA KO VAIRU AMA LEVELEVEO

⁵ Ana peuru ma peuru abeta eva keru ta aṉa inio peuru ma peuru ko zakaremu lala,” kiolake.

Jone 9:5 Referans Kwoze

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Iruruputo 13:47

Ako komi kio koa bazu vo Baṉara eqe lula o katiqelema ko eri kikolako, ‘Aṉata lula se pui Jiu amu ko juke jari a iṉe ṉo tu peuru ma peuru kale amu ta ke pakiovou,’ kikolako,” kiqolake.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Kelokelozato 21:23

Ni koa matu peuru ta pui kokai zaria ko ṉaniu ni kaboso ta kokai talolo, ako vo Baṉara ko ṉaṉaidara ta kokai taloake ko, ni vo Sipi Meqora ta koko juke ota ka evake sole.

Matiu 4:16

Meme jaevani mela kutumana kale ta me qelou ko aqasiele ama zakaremu, me mebeta evani mela vou ko kutumana kale ko melai talolou ko zakaremu,” ka kiovema.

Iruruputo 26:23

vo Baṉara o soroevani Pakio ta o vouvou ni vo inio kuleto ala maba vo o saevo ala voukale azo, tu o katimo ko pakio ko zakaremu se Jiu amu ni pui Jiu amu,” kiolake.

Luke 2:32

Vota kala zakaremu tu kasa o ikou ṉoko vatolo kiadama peuru ma peuru kale ama qoqono poso kasi ni vota o kati kilou ko ṉaṉaidara ṉoko mabamu Izireli mu kasi!” kiolake.

Matiu 5:14

Meta kiadama maba peuru ma peuru kale amu ko zakaremu mela. Ko sopu kale ama peuru ta pui kopa mutailou.