Jone 9:39 - BAṈARA KO VAIRU AMA LEVELEVEO

³⁹ Nio Jisu ta eri kiolake, “Aṉata a quevi peuru ma peuru kale korotato sate, tu se leqa kamu ta ke keazatou, ni seke keazatani ta leqa ke elou,” kiolake.

Jone 9:39 Referans Kwoze

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

1 Jone 2:11

Melai vo ovai kaikuapani vovo lolo ta kutumana kala ni obeta talia kutumana kale, ni pui okai nianiia vo o olakoi, ako ko kutumana ta leqa ko iva vo sole.

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

2 Koriniti 2:16

Koa animeko bazu ta uria tui ama bube ko tui jari seke pakiziani kasi. Melai koa bazu ta matu ruqea tui ama quli ko tui jari se noqola tolailo ke elo amu kasi. Ni kake ta esa eri kikevou, puliala ta o male ereko komia bazubazuto ko iruruputo.

Jone 9:25

Ni vota eri kiolake, “Aṉata pui a uria vai nianiia vota sarueko sala ma pui kio. Omadeu quli pala kio aqai nianiia, aṉata lula ta leqa kalala, melai erisaṉa ta ada kelokelozata,” kiolake.

Jone 8:15

Meta me ereka ko titizato maba ko erekako titizato kale, melai aṉata puliala a ditiziva ko meme erekako titizato kale.

Jone 3:17

Vo Baṉara ta pui opa soroele aṉa vovo Meqora lala komia peuru ma peuru kale amu kasi tu a ditizimo se, melai vota o soroele aṉa tu seta ke pakiovou aṉa kale kude.

Luke 13:30

Sole keatini, matu kubo madu raura kamu erisaṉa ta mainio zara kepa elou ko kilo ama taku kale, ni se zara kamu inio mainio raura kepa elou koa taku kale,” kiolake.

Luke 2:34

Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Matiu 11:5

se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqaviqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

2 Tesalonaika 2:10

ni vota okai iruruputou kiadavo ama lipalipato se noqola tolailo ke elo amu tona. Seta noqola tolailo keta elou ako seta pui ke baroekika ko tuveano nio vo Baṉara ta pui opa pakiemou se sole.

Matiu 15:14

Sole meta pui duki ma elo se, seko kai kaikuapo kale aṉako nianiiekato, ako seta leqa kamu jari, kekai zariani aveavemo mata kake leqa kamu sole. Ni kala leqa kala ta o aveavevou kala leqa kala ta nioqa kiada nioqa ti qota jourou soqili kale,” kiolake.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.