Jone 8:56 - BAṈARA KO VAIRU AMA LEVELEVEO

⁵⁶ Mevo taite Ebarahami ta ota zolei so keru vo o paqumuke keru ta vota o kelou aṉako kilo miduku kale. Ni vota o keve ko ni ota zoleike,” kiolake.

Jone 8:56 Referans Kwoze

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Jone 8:39

Nio seta ke vati tiorikake vo, “Eṉevo mama ta Ebarahami tivoine,” kikelake. Nio Jisu ta eri kiolake, “Tuvevo avole meta Ebarahami ko meqora poso mela tea, meta me lulueko inio ereko vo o erekema sidopu.

Matiu 13:17

Melai tuvevo avole aṉata a bazuemela me, ko quli kubo poropita madu ni se Baṉara ko maba madu kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Luke 10:24

Ako aṉata a bazuemela me, ko quli kubo poropita madu ni se aikovakova poso kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Hiburu 11:39

Kiadama sea maba poso ta ke matu zolevake vo Baṉara ako seta kevai oquake vo sole. Melai seta pui kepa koe vo Baṉara o kasekema matuma quli,

Jone 8:37

Aṉata a melai nianiia meta vo Ebarahami ko vikuvikula mela inio kio, melai meta mebe la abamata tu me vouvaelo aṉa, ako meta pui meba ṉeamukou aṉako nianiiekato sole.

Jone 10:25

Ni Jisu ta o tiorizatake, “Lula aṉata a bazuemele, melai meta pui meba tuvevo puele aṉa. Ko aqasiele ama iruruputo poso aṉa a erekako a Mama ko pizato kale ta aqai kaseiva a ṉavi,