Jone 8:20 - BAṈARA KO VAIRU AMA LEVELEVEO

²⁰ Jisu ta o kasekake koa kiadama quli vo o nianiiekate keru Jelepade kale, sai pikazato ko teamuteamu ke vaekakoi zama zaekale. Ni puliala se lotu tanatanamu azo se kekai kaikuapani voko nianiiekato ta o noqoevake vo ako voko taku ta pui nio ko baroake sole.

Jone 8:20 Referans Kwoze

Jone 7:30

Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.

Jone 7:8

Sole meta olamo koa ṉojola kasi. Aṉata pui a ziovou erisaṉa koa ṉojola kale, ako aṉako taku ta pui nio ko baroa sole,” kiolake.

Maka 12:41

Ni vo Jisu obeta papua keru Jelepade kale sai kekai katizatako zae ko ketaketa, inio vota o mati vailake seke pikani seko takula,

Jone 7:44

Ni kake sea maba madu ta keka zariake noqoevo vo, melai puliala kala pado ta o roveake kamavo vo.

Maka 12:43

Ni so keru inio Jisu ta o nokaemake voko disaipeli madu ni eri kiolake sekasi, “Aṉata a bazuemela me, komia ozaoza kama naboko ko vaekake ta kobe kai paloasa sea kiadamu seke pikazatani ke vaekako.

Matiu 27:6

Nio se raura kama siama madu ta ke niaquekake koa takula ni eri kikelake, “Komia takula ta maba ko dara ko takula, sole vo Mosese ko Bazu kale ta tabu tu animeta me vaekou komia takula Jelepade ko takula me vaekakoi,” kikelake.

Jone 10:39

Ni seta mata keva zariake noqoevo vo Jisu voko so kio kale avo, melai seta pui ke roveake.

Jone 8:59

Sai nio seta ke niaquekake ko lado ni ke taivo kikelake, melai Jisu ta taukavole ota daipaike ni ota saqorake Jelepade kale azo.

Luke 20:19

Nio koa taku keru inio se raura kama siama madu ni se Mosese ko Bazu kekai nianiiekatani ta keka zariake noqoevo vo Jisu, ako seta kekai nianiiake ta vota kuiripato saṉa omai ikake koa podepodeti sole, melai seta keta ma ṉake se maba poso.

Matiu 26:55

Ni so keru inio Jisu ta mata eri ma kiolake sea vaki, “Meko kerukeru kale ta aṉata kala matu ruqe ala kuiloa lala ni pazokinio ko maba lala la kimela inio meta meda kueva benisi poso ni kubau poso sate tu noqoelole aṉa, kio? Aṉa inio abeta papua ni a nianiiekatani lala kiadama ṉaniu poso ubutiania Jelepade kale melai pui me noqoela sai.

Luke 21:1

Ni Jisu ta o tadatake ni o meake se batiro amu ke pikani seko seleni Jelepade kale sai kekai katizatako zaekale,

Jone 2:4

Nio Jisu ta o kati tiorikake, “Niania, ṉota pui lati sorueko kama quli tu a ereko, ako aṉako taku ta pui nio ko baroa sole,” kiolake.

Jone 7:14

Ni sipole kota tianiaoke koa ṉojola ko taku pado inio Jisu ta o olake Jelepade kale ni o taniekake nianiiekato.

Jone 8:2

Ni omadeu lekito koko raneo kale inio vota o vaitake Jelepade kasi. Sai nio sea matu padopadoilo ta mata kevai uburake vo, nio vota ota papuake ni o taniekake nianiiekimo se.