Jone 7:29 - BAṈARA KO VAIRU AMA LEVELEVEO

²⁹ aṉa inio avai nianiia vo, ako aṉata a quevi vokasi azo, ako vota o soroele aṉa sole,” kiolake.

Jone 7:29 Referans Kwoze

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Jone 17:18

Aṉata lula a joroema se bazuemole komia peuru ma peuru ko maba poso, omadeuvo ṉoṉo ilenia soroelo jari komia peuru ma peuru kale.

Jone 6:46

Puliala inio lula opa veveni vo Mama; melai aṉa a quevini lala Baṉara kasi azo, aṉa inio lula a veveni lala vo Mama.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

1 Jone 4:9

Eria kasa inio o ikevo vo Baṉara voko roquano anime kasi: vota o soroevake vovo pado Meqora komia peuru ma peuru kale ni vokale inio animeta me qoa ko tuvevo ama saevo.

1 Jone 1:2

Vo o katiṉeleni eṉe ko saevo ta kasa o ṉela evake eṉe, ni eṉeta ṉe veve vo nio ṉeqai bazubazute voko tuveano maba poso kasi, nio eṉeta mata ṉe melai bazueva me voa noqola kama saevo sala Bazu. Vo o katiṉeleni eṉe koa saevo ta o eve o Mama Baṉara kasi. Ni Baṉara inio kasa o ṉela ive eṉe.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.