Jone 5:19 - BAṈARA KO VAIRU AMA LEVELEVEO

¹⁹ So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole.

Jone 5:19 Referans Kwoze

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 8:28

So sole Jisu ta eri kiolake sekasi, “Meme zolaelou keru aṉa maba a eveni lala nio meta meqai nianiiovou ko ‘Aṉa inio ko Aṉa lala’ kio. So inio meta meqai nianiiovou ko aṉata pui a ereka a qiada kama quli, melai kota aṉavo Mama olai nianiiekikema aṉa tu a qaseko nio kimevou.

Jone 14:10

Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude.

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Jone 9:4

Sole animeta me ereko vo aṉa o soroeleni ko iruruputo ṉaniu palate, ako ipu ta kobeta kueva sole, puliala maba o rovea keru iruruputo.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

Epesasi 3:16

Ni aṉata a baseva vo Mama, tu vota o katimelou me ko pizato voko matuma ṉaṉaidara kale azo, tu meta me bizatou meko auvana kale voko Tabu ama Auvana kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

2 Koriniti 4:14

Ako eṉeta ṉeqai nianiia ko vo Baṉara vo o saeviveni voukale azo vo Lekasa Jisu, vo inio mata o saeviṉelou eṉe voukale azo tu Jisu sase ṉe elou, ni o odieṉelou eṉe ni so jari omadeu odiemelo o elou animea kiada mela voko tanama kale.

1 Koriniti 15:12

Sole eṉe ṉeqai bazubazutako ta vo Karisito mata saevo voukale azo, nio noi sole inio kake mela ta so kimevou, puliama mata saevo voukale azo kopa elou, kimevou?

Romu 6:4

Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.

Jone 2:19

Ni Jisu ta o mati tiorikake, “Meta me biresukou komia Baṉara ko Jelepade, nio zouke ṉaniu kale aṉata mata a lojoekou ko,” kiolake.

1 Tesalonaika 4:14

Ako animeta me duvevo pueka vo Jisu ta o vovi ni mata o saeve voukale azo, so sole animeta mata tuvevo me ika vo Baṉara ta o vaitoemou vo Jisu sate seke vouvani se lula ke tuvevo puevani vo.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 12:50

Ni aṉata aqai nianiia ta koa Baṉara ko soru kale ko kaseivako ta noqola kama saevo sama. Ko quli aṉa aqai bazubazutake ta ko ikio aṉavo Mama lula olai bazuekako aṉa tu a qaseko,” kiolake.