Jone 3:19 - BAṈARA KO VAIRU AMA LEVELEVEO

¹⁹ Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 3:19 Referans Kwoze

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

2 Tesalonaika 2:12

So inio se pui ke tuvevo puekani Baṉara ko tuveano ni lula kekai zoleivani seko boutare ta ke titiziovou muli.

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

Jone 12:43

Ako seta keka zariake maba ko rauraemo ni pui vo Baṉara ko rauraemo sole.

Romu 1:32

Kebe paqumuka vo Baṉara ko bazu kale ta so ke kalo amu ta keta vouvou kio. Melai seta kebe ereka ko quli ni seta kema zoleiva sea maba poso, seke erekani koa ruqe poso.

Jone 5:44

Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.

Jone 1:4

Voa Bazu ta saevo ko raki; ni koa saevo ta ko kati kuevi vo Baṉara ko zakaremu maba madu kasi.

Luke 12:47

“Vo nabulu vo okai nianiiani vovo lekasa ko vatolo, melai vota pui o inainaova tu vota o ereko, ta o koqotailou matuma koqotato kale.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Jone 1:5

Voa zakaremu ta o taloake kutumana kale, ni ko kutumana ta pui ko daipaevake vo.

Jone 9:5

Ana peuru ma peuru abeta eva keru ta aṉa inio peuru ma peuru ko zakaremu lala,” kiolake.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.