Jone 3:16 - BAṈARA KO VAIRU AMA LEVELEVEO

¹⁶ Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:16 Referans Kwoze

Romu 5:8

Melai vo Baṉara ta lula kasa o ika voko roquemelo anime komi kale; anime sarueko kale mebeta eve keru inio Karisito ta o mela vouvake.

Jone 3:15

ni sea kiadamu ke tuvevo puelo amu aṉa ta ke kovou ko noqola kama saevo.

Romu 8:32

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

1 Jone 4:19

Animeta me roqueva vo Baṉara, ako vo Baṉara inio o roquemele anime kuleto sole.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Matiu 9:13

So sole meta olamo ni pa kai nianiimo Baṉara kiovevo ko Tabu ama Riki kale, ko eri kikelako, ‘Aṉata pui aqa zaria biaṉa kale ama siqasiqa melai aṉata aqa zaria ko tauvezato sama roquano,’ kikovema. Ako aṉata pui a queva nokaemole se sidopu amu, melai aṉata a queva tu nokaemole se ruqe ama maba poso,” kiolake.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Taitasi 3:4

Melai so keru animevo Pakio Baṉara ko baiseo ni roquano ko purate keru,

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Maka 12:6

“Inevoana vokasi o ṉavivo meqora, vo o roquevani, ni koko tovatova inio voa tanala ta o soroevake vo, ‘Ako vo inio keta va paṉaovo ala sole,’ kiolake.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 3:18

“Vo o tuvevo puelani aṉa Baṉara vo Meqora lala ta pui opa koqotaevou vo Baṉara. Melai vo pui o tuvevo putani ta lula titititiziala, ako vota pui o tuvevo puela aṉa Baṉara vo pado Meqora lala sole.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.