Jone 20:26 - BAṈARA KO VAIRU AMA LEVELEVEO

²⁶ Ni omadeu vuiki ko tova inio se disaipeli poso ta mata ke padoivake koa tibutibuli ama lose kale ni vo Tomasi melai se sate. Ko tibulu poso ta vinavina tibutibuli, melai Jisu ta o kuevake ni o lojoake seko tiania, ni “Bule mekasi,” kiolake.

Jone 20:26 Referans Kwoze

Jone 20:19

Ni koa Sade raisiraisi ama taku kale inio sea disaipeli poso ta ke padoivake tibutibuli ama lose kale, ako seta keta ma ṉake se Jiu ama tanatanamu sole. Sai nio Jisu ta o kuevake ni o lojoake seko tiania nio, “Bule mekasi,” kiolake.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Luke 9:28

Ni omadeu vuiki ko tova vasi vo so kiove saita, inio Jisu ta o odiemake Pita, ni Jone ni Jemisi ni ke peatake kala sopu kale vararaitole. Ni Pita ni voko baerebaere kidi ta keta maroṉake.

Matiu 17:1

Ni varimuja ṉaniu ko tova inio Jisu ta o pitoemake Pita ni nioqa tamania Jemisi ni vovo visi Jone ni o mati kailake okate ala sopu kale ni seta sai ke kiada pado.

Maka 16:14

Ni koko tovatova nio Jisu ta omai puratake voko toni omadeu disaipeli madu kebeta vuatakoi. Ni vota o riqaemake se, ako seko bulo ta zokele ni seta pui tuvevo ke imake sole seke veveni voko mata saevo.

Luke 24:36

Ni so keru nioqa qope mai bazueka keru ko quli poso, inio o ṉavi Jisu ta obeta lojoake seko tiania ni eri kiolake sekasi, “Bule me tona,” kiolake.

Jone 11:16

Sai nio Tomasi, vo “Modi” ṉi sala, ta eri kiolake vokale ama disaipeli madu kasi, “Uri tani, animea kiada mela ta me zio vo sase, tu animeta me vou vo sase!” kiolake.

Jone 21:1

Ni kama taku ko tova vasi inio Jisu ta mata o puratake sikeura voko disaipeli madu kasi Qalili toupa kasi, kama pado ṉi ta Taibiriasi sama. Eri nio ko kaevo.

Jone 21:14

Komi ta zouke ama taku Jisu kasa o eve keru voko disaipeli madu kasi voko voukale azo ama saevo ko tova.

Iruruputo 1:3

Ni ariku toni ṉaniu ko poro kale voko vou ko tova inio vota omai purapurataitake kubo taku matu zakaremu ama kalo kale, tu seta pui niuniala kekai elo ta vota lula mata ota saevala kio, ni seta ke veake vo, ni vota omai bazuekake se vo Baṉara ko lekasa puo.