Jone 2:22 - BAṈARA KO VAIRU AMA LEVELEVEO

²² So sole vo o saeve keru voukale azo ko tova, inio voko disaipeli madu ta ke kerukeruekake komia vo o erekema pesio, nio seta ke tuvevo puekake ko Tabu ama Riki kikovevo ni Jisu kiovevo.

Jone 2:22 Referans Kwoze

Jone 12:16

Ni voko disaipeli poso ta pui ke paqumukake koa taku kale, melai koko tova, voko mata saevo keru voko ṉaṉaidara sate inio seta ke kerukeruekake ta koa Tabu ama Riki va kikovevo ikio koko ereima quli Jisu kasi kikelake.

Jone 16:4

Melai aṉata erisaṉa a melai bazueka me ko quli seke melai ereko ama quli, tu so keru ko ereilou keru soama quli, meta me qerukeruekou ko aṉata lula a bazuemele me kio,” kiolake vo Jisu. Nio Jisu ta obeta olake mati pesio voko disaipeli madu, ni eri mati kiolake, “Kuleto aṉata pui aba melai bazueke me ko quli poso, ako aṉata abeta eva me sase miduku kale sole.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 2:17

Nio voko disaipeli madu ta ke keake vo o erekako quli ni ke kerukeruekake ko Tabu ama Riki kikovevo kokale avo, ko eri kikovema, “Aṉako roqueko Baṉara ṉa ko pade ta vualavuala ko ila aṉa uza ko baina jari.”

Iruruputo 11:16

Nio a qerukeruekake vo Lekasa Jisu eri ka kiovema, ‘Jone ta o bapitaiso pute jukale melai meta bapitaiso me elou Tabu ala Auvana kale,’ ka kiovema.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 2:2

ni Jisu ni voko disaipeli madu melai ke koake koa bau vuato ko taipazato sole se melai sai.