Jone 2:19 - BAṈARA KO VAIRU AMA LEVELEVEO

¹⁹ Ni Jisu ta o mati tiorikake, “Meta me biresukou komia Baṉara ko Jelepade, nio zouke ṉaniu kale aṉata mata a lojoekou ko,” kiolake.

Jone 2:19 Referans Kwoze

Maka 14:58

ni eri kikelake, “Eri nio kiolani nea maba, ‘Aṉata a biresukou komia maba ko erekema Jelepade ni zouke ṉaniu kale inio a baikou orumuko koa Jelepade maba pui kopa kai roveovo ama orumuko,’ nio kiolani,” kikelake.

Maka 15:29

Ni so keru se maba poso ke alokata keru sai, seta keva uriuriaṉa putake, ni kevai balebaleitake vo Jisu, ni eri kikelake, “Koe! No inio ṉo biresukou ko Jelepade ni zouke ṉaniu kale mata ṉo dova orumukou kiṉolani ṉa!

Matiu 27:40

ni eri kikelake, “Ṉo inio ṉo biresukou ko Jelepade ni zouke ṉaniu kale mata ṉo dova orumukou kiṉolani ṉa! Sole pakiovi ṉo ṉavi, vo Baṉara vo Meqora ṉa ṉo elou ta! Ni saqore koa korosi topi azo!” kikelake.

Matiu 12:40

Vo Jona ta o eve zouke ṉaniu zouke ipu matuma niuniu ko siapa kale, ni so jari inio aṉa maba a eveni lala ta zouke ṉaniu zouke ipu a elou se voumu ko zaekale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Iruruputo 2:32

“Vo tisoiko voa Jisu vo Baṉara o saeviveni voukale azo, ni eṉea kiada ṉela ta ṉeqai zomane kelo voko tova saevo.

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Romu 6:4

Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Maka 8:31

Ni vo Jisu ta o taniekake nianiiekimo voko disaipeli madu, ni eri kiolake, “Aṉa maba a eveni lala ta ke tolaelou ni kelai keduvou se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio mata a jaevou,” kiolake.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Koriniti 15:12

Sole eṉe ṉeqai bazubazutako ta vo Karisito mata saevo voukale azo, nio noi sole inio kake mela ta so kimevou, puliama mata saevo voukale azo kopa elou, kimevou?

Romu 4:24

Kota ko rikiziovi tu mata anime kaqe, anime sidopu me evani mela animeko tuvevo puevo kale vo o saeviveni vo Jisu animevo Lekasa voukale azo.

Iruruputo 3:26

So inio vo Baṉara ta o pitoeve vovo Nabulu ni vota o soroeve kuleto mekasi tu mauru o imelo me tu meta me liliziovou kiadama meko ruqe ama iruruputo kale azo,” kiolake vo Pita.

Jone 5:19

So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole.

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Iruruputo 6:14

Eṉeta ṉeda va viqala ta voa Nazareti ala Jisu ta o biresukou ko Jelepade ni vota o besiekou kiadama animeko bazu poso koko vikima anime tona Mosese kasi azo!” kikelake.