Jone 19:42 - BAṈARA KO VAIRU AMA LEVELEVEO

⁴² Ni kota lula kokai baroa Jiu amu ko Sabati ko inainao ko taku, sole seta ke vaevake vo Jisu sai koa keaka niami kale, ako kota sipole ama sole.

Jone 19:42 Referans Kwoze

Jone 19:31

Ni se Jiu ama tanatanamu ta ke pasekake ko zariekato Paelati kasi tu seta keta ma lopaeko sea zouke maba poso ke vouvaemani ko kiti poso, tu taukavo ke vou, tu ke ivimo korosi poso topi azo. Seko paseko ko ko raki ta kota Porare ṉaniu, so sole seta pui keka zariake tu koa tupu poso, korosi poso topi ama, ta kokai barou ko leama Sabati, tabu ṉaniu.

Jone 19:14

Koa taku ta sipole ṉadale koa Porare ṉaniu kale puliako Alokato ko Ṉojola elo, ni Paelati ta eri kiolake se Jiu amu kasi, “Vemo mevo aikovakova!” kiolake.

Jone 19:41

Ni Jisu ke vouvaevekoi ko matu sipole ta inovoana kala ore bariki sai, ni sai ta inovoana kala pado vairu ala keaka niami puliala maba lula ovai mutaivani.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Koriniti 15:4

ni seta ke mutavake vo, ni vota o saevake voukale azo zoukema ṉaniu kale, omadeuvo Tabu ama Riki kale lula ko pidokiovi jari;

Iruruputo 13:29

Ni seko vai ereko koa kiadama quli Tabu ama Riki ko pidokivema vo ko tova, seta ke saqorivake vo korosi topi azo ni ke vaevake kama pado keaka niami kale.

Jone 19:20

Vota o rikiekake koa pesio poso, Hiburu pesio kale, ko ikio se Jiu amu ko pesio, ni Lateni pesio kale, ko ikio se Romu amu ko pesio, ni Quriki pesio kale, ko ikio se Qurisi amu ko pesio. Ni matu kubo Jiu amu ta ke tiromikake ko, ako koa zae sai se Jisu ke patoevekoi korosi topi ta pui vaṉa Jerusalema peuru kale azo sole.

Matiu 12:40

Vo Jona ta o eve zouke ṉaniu zouke ipu matuma niuniu ko siapa kale, ni so jari inio aṉa maba a eveni lala ta zouke ṉaniu zouke ipu a elou se voumu ko zaekale.