Jone 19:4 - BAṈARA KO VAIRU AMA LEVELEVEO

⁴ Ni Paelati ta mata o saqorake kupele ni eri kiolake koa matu padopadoilo maba kasi, “Kemoni, aṉata a mela saqorivou vo koi, tu a melai vakakuke me ko aṉata pui ada va kea kama sarueko tu vota kuiripato saṉa o elo kio,” kiolake.

Jone 19:4 Referans Kwoze

Jone 19:6

Ni so keru se raura kama siama madu ni se Jelepade ke kati vailani maba madu ke vea keru vo seta ke velavelaoke, “Patoevomo korosi topi! Patoevomo korosi topi!” kikelake. Ni vo Paelati ta eri kiolake sekasi, “Aṉata puliama sarueko ada va kea tu a vati tuamuko ko vou, sole meta vati olamo me ṉavi ni patoevomo.”

Jone 18:38

Nio Paelati ta o kuimaevake vo ni eri kiolake, “Loma ikio ko tuveano tu kala ta okai nianiiovou?” kiolake. So sole vo Paelati ta mata o saqorake kupele se Jiu ama tanatanamu kasi nio eri kiolake, “Aṉata pui ada va kea kama sarueko nea maba tu vota kuiripato saṉa o elo.

Luke 23:4

So sole Paelati ta eri kiolake sea raura kama siama madu kasi ni sea matu padopadoilo kasi, “Aṉata pui ada va kea kama sarueko nea maba tu vota kuiripato saṉa o elo,” kiolake.

Luke 23:47

Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 2:22

Ako vota puliama sarueko sala ni pui o lipalipatani sole.

1 Pita 1:19

Melai Baṉara ta o tabarimele me vo Karisito ko qulepo ama dara kale, voa siqasiqa Sipi ko Meqora jaria bulebule ala ni remedemede pide ala kale.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Luke 23:41

Ni aniqeta qe koa ko aniqe lula qe erekema ruqe ama iruruputo ko male ama reketekete, melai nea maba ta maba puliama voko sarueko sala inio,” kiolake.

Matiu 27:54

Ni so keru se solodia madu ni sevo kuleto ala kebe vati vailani vo Jisu ke kea keru ko nunu ni kiadama quli sai ko ereima, seta keta matu ṉavaike ni eri kikelake, “Koe, matu tuvevo nei ta vo Baṉara vo Meqora tivoine!” kikelake.

Matiu 27:24

Ni vo Paelati ta o keake ta pui opa roveovou dokolimo se ni seta keta matu korakorailou ni keta niumaniumatou, sole vota opa koake ko ju, ni o pusaekake voko ṉase sea vaki ko ubutiania, ni eri kiolake, “Aṉata pui kuiripato salala aba elou nea maba ko voukale avo! Melai kota me ṉaviko vatolo ikio,” kiolake.

Matiu 27:19

Nio so keru vo Paelati obeta papua keru voko titizato ko papupapu topi, voko reko ta ko soroekake ko bazu vokasi ni eri kikolake. “Ṉota pulia quli ṉo erekou voa sidopu ala maba kasi, ako aṉata a uloitivala vo raisi ipu kale, ni koa uloito ta ko niumaekala aṉako kerukeru sole,” kikolake.

Matiu 27:4

ni eri kiolake, “Aṉata boutare a ereka ako a jaiqoriva sole nea inobe ala maba,” kiolake. Ni seta ke vati tiorikake ni eri kikelake, “Eṉeta puliako pa kiṉevou, kota ṉo ṉaviko rana inio,” kikelake,

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Jone 18:33

Nio vo Paelati ta mata o amaqeake pade poro kale ni vota o nokaevake vo Jisu ni o kuimaevake vo, “Ṉo inio se Jiu amu vo Aikovakova ṉa kio?” va kiolake.