Jone 19:17 - BAṈARA KO VAIRU AMA LEVELEVEO

¹⁷ Ni seta ke vati saqorake vo ni o ṉavi ta o borikake voko korosi, ni ke vati olake kama pado zaekale koko ṉi ta “Reikareika kama Lezu ko Zae.” Hiburu pesio, Jiu amu ko pesio kale, ta “Qoloqota” ka kikolako.

Jone 19:17 Referans Kwoze

Luke 23:33

Ni seta ke baroake “Reikareika kama Lezu ko Zae” ka kikelako zaekale, ni seta ke patoevake vo Jisu sai korosi topi. Ni so jari seta ke patoekake omuqa ruqe ama maba kidi omuqa korosi topi Jisu sate, kala ta voko palo rana ni kala pado ta voko made rana vasi.

Luke 14:27

Vo pui oka zariovo ala tolailo aṉako luluelo kale omadeuvo vo maba vo o borikani voko korosi okai vouvo ama, vota pui opa roveovou aṉavo disaipeli elo.

Luke 23:26

Ni se solodia madu ta ke vati olake vo Jisu, ni se kebeta ola keru, inio seta ke toraevake kala maba Sairini peuru kale azo ala o ṉi ta Saimone, vo obeta kuevani kama sasa peuru kale azo Jerusalema matu peuru kale. Ni seta ke saputivake vo ni seta kevai sakekake Jisu ko korosi o vakare topi ni seta kevai zuruzuruekake tu o boriko ko ni o vati lulueko vo Jisu.

Iruruputo 7:58

ni ke rajaevake peuru kupekupe ni ke taivake vo lado kale. Se lipalipato bazu ke erekeni ta ke vaekake seko sabosabo poso Saula va kikelani maba ko vailo kale seko taivo maqa vo Sitiveni.

Maka 15:32

Sole uri tu me velo nea Baṉara o soroevani Pakio se Izireli mu vo Aikovakova o saqorou ta koa korosi topi azo erisaṉa, so inio tuvevo me ivou!” kikelake. Ni omuqa kuilokuiloa nioqa ke patoekeni nioqa Jisu sate nioqako omuqa korosi topi melai qo ruqeruqe kasevake vo.

Luke 23:38

Ni voko lezu ko topi vasi o korosi topi ta ke patoekake riki sama papani eri kikolako pesio sama, “Nei nio se Jiu amu vo Aikovakova,” kikolako.

Luke 9:23

Ni vota mata eri kiolake sea kiadamu kasi, “Vo oka zariani luluelo aṉa ta vota pui o kerukeruilou o ṉavi o kiada, melai vota o tolailou kiadama ṉaniu aṉako luluelo kale omadeuvo vo maba vo o borikani voko korosi jari, vo okai vouvo ama.

Maka 15:26

Ni seta ke vaekake ka pado bazu, ko quli se kevai kuirikako, voko korosi topi. Ni koa bazu kikolani ta eri, “Se Jiu amu vo Aikovakova.”

Maka 10:21

Ni Jisu ta o toiritoirivake voa maba ni o roquevake vo ni eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi, saita inio ṉo luluelou aṉa,” kiolake.

Maka 8:34

Ni Jisu ta o nokaemake sea vaki ni voko disaipeli madu o ṉavi kasi ni eri kiolake, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉa ko luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 27:37

Ni seta ke vaeke ka pado bazu, ko quli se kevai kuirikako, voko korosi topi. Ni koa bazu kikolani ta eri, “Nei nio vo Jisu se Jiu amu vo Aikovakova.”

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 10:38

Ni vo pui oka zariovo ala tolailo aṉako luluelo kale omadeuvo vo maba vo o borikani o ṉaviko korosi vo okai vouvo ama, vota pui o maleizika aṉavo disaipeli elo.

Jone 5:2

Nio Jerusalema peuru kale, Sipi ko veutu ko sipole ta kama pado toupa ju, maba o erekema, sike ono sama, Hiburu pesio kale, se Jiu amu ko pesio, Betizata ka kikelako.

Jone 19:13

Ni so keru vo Paelati o viqa keru koa pesio poso inio vota o saqorivake vo Jisu kupele ni o ṉavi ta o papuake titizato ko papupapu topi, koa zae ko ṉi ta “Lado Sapera.” Hiburu pesio, se Jiu amu ko pesio kale, ta “Qabata” ka kikolako.