Jone 18:26 - BAṈARA KO VAIRU AMA LEVELEVEO

²⁶ Ni kala pado vo Ṉisa Siama ko nabulu poso azo, vo Pita taliṉa ota va pikekeni vo maba, ta eri kiolake Pita kasi, “Sole pui ṉo inio aba ṉealani ṉa vo Jisu sate ore bariki kale, kio?” kiolake.

Jone 18:26 Referans Kwoze

Jone 18:10

Nio Saimone Pita ta kama pado benisi sala, so sole vota o ravuzikake ko koko teamuteamu kale azo ni vota o pazovake Ṉisa Siama vo nabulu, ni ota va pikekake o palo ranama taliṉa. Voa nabulu ko ṉi ta Malakasi.

Jone 18:1

Ni so keru Jisu lula o paika keru vararaito inio vo ni voko disaipeli madu ta ke saqorake pade kale azo ni ke pakekake ko Kidoroni patopeka orori. Sai ta ko epamatako ore bariki sakoi, nio Jisu ni voko disaipeli madu ta ke amaqeake sai.

Matiu 26:73

Ni puliako tu keu nio se sai ke lojoani ta ke olake ni ke aramuvake vo Pita ni eri va kikelake, “Tuvevo ṉo inio kala ṉa vo kalea laṉa, ako ṉoko pesio ko rukuruku ta Qalili amu ko jari sole,” kikelake.

Luke 22:58

Ni puliako tu keu nio kala pado maba ta o veake vo Pita ni eri va kiolake, “Ṉo melai kala pado ṉa se kalea laṉa!” Melai Pita ta eri kiolake, “Ṉoela, aṉata pui!” kiolake.