Jone 17:10 - BAṈARA KO VAIRU AMA LEVELEVEO

¹⁰ Kiadama maba poso aṉa a ṉeamumani ta ṉoko madu, ni kiadama maba poso se ṉoṉo ṉeamumani ta aṉako madu, ni se inio ke kasa puekani aṉako ṉaṉaidara.

Jone 17:10 Referans Kwoze

Jone 10:30

Ako vo Mama ni aṉa ta omadeu qela sole,” kiolake.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

2 Tesalonaika 1:10

Ni vo Baṉara ta o erekou koa sidopu ama titizato so keru vo Lekasa Jisu o vaitou keru ni vota ṉaṉaidara o elou kiadama voko maba poso ko sidopu ama saevo kale, ni o raurailou seke tuvevo putani ko saevo kale. Me melai me zomanou se sate, ako meta me duvevo pueka sole koa bazu ko eṉe ṉe qasekema mekasi.

Kolosi 2:9

Ako koa pado ama ni noqola kama ni okotoma Baṉara ko saevo ni kalo ta ko eva ni ko saeva Karisito tona, voko maba elo kale.

2 Tesalonaika 1:12

Eṉeta soa vararaito ṉe eva tu animevo Lekasa Jisu ko ṉi ta ko raurailou mekasi, ni me melai o rauraemelou. Ni vo animevo Baṉara ni vo Lekasa Jisu Karisito ko roquano kale avo inio kota so ko kalou.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Iruruputo 19:17

Ni kiadama Jiu amu ni pui Jiu amu Epesasi peuru kale ke eveni ke viqake koa bazu, ni seta keta matu ṉake, so sole seta ke matu rauraekake vo Lekasa Jisu ko ṉi.

Jone 11:4

Nio so keru Jisu o viqa keru ko, vota eri kiolake, “Komia vere ta pui kopa ruvurivou vo Lazarasi. Kota ko ereiva tu kota kasa ko iko vo Baṉara ko ṉaṉaidara, tu vo Baṉara vo Meqora ta o ṉaṉaidara puilou kokale kude,” kiolake.

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Qelesia 1:24

So sole aṉako bazu kale avo inio seta ke ilusivake vo Baṉara.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.