Jone 14:6 - BAṈARA KO VAIRU AMA LEVELEVEO

⁶ Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 14:6 Referans Kwoze

Iruruputo 4:12

Vokale ko kiada inio animeta me roveovou pakio; ni puliala mata kala peuru ma peuru kale ala ta opa katimele vo Baṉara tu vota o pakiemelo anime,” kiolake.

Jone 10:9

Aṉata veutu lala. Voa maba o amaqeani aṉa kale ta o pakiovou, ni vota amaqeo ni saqoroa kovo o elou ko saevo ko sailao.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Jone 1:4

Voa Bazu ta saevo ko raki; ni koa saevo ta ko kati kuevi vo Baṉara ko zakaremu maba madu kasi.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

Jone 8:32

ni meta meqai nianiiovou ko tuveano, nio koa tuveano ta ko rupasimelou me,” kiolake.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.

Kelokelozato 20:15

Ni sea kiadamu se pui kota ma rikiziani seko ṉi saevo samu ko ṉi ko buka topi ta ke risaivake koa uza ko poro kale.

Jone 15:1

Ni Jisu ta mata o mati pesiake voko disaipeli madu ni eri kiolake, “Aṉata tuvevo ama vaini siakona jaria lala ni aṉavo Mama ta vaini kiaro o kati vailani maba jari o kavani.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Kelokelozato 22:17

Vo Tabu ala Auvana ni vo Jisu ko reko ta eri kiqola, “Kua, Lekasa Jisu!” Ni uri tu kiadamu ke viqani komi ta mata “Kua, Lekasa Jisu!” kikevou. Kua, ṉoṉo rokauvani ṉa tu pa koa ko noqola kama saevo ko katiṉo ama ju tabara pide ama.

Jone 8:51

Tuvevo avole aṉata a bazuemela me, vo o zoriko ala aṉako bazubazu ta pui opa vouvou,” kiolake.

1 Jone 2:23

Ako vo pui tuvevo o ivani vo Meqora ta pui vo Mama vo inio, melai vo o ṉeamuvo ala vo Meqora ta o ṉeamuva inio mata vo Mama.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

Jone 6:33

Ako koa bereti vo Baṉara o puarikake ta ko kueva aukale azo ni kota ko katima ko saevo peuru ma peuru kale amu,” kiolake.

Jone 14:19

Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou.

Jone 6:57

Vo saevola ni noqola kala Mama ta o soroele aṉa, ni aṉa melai soa noqola saevoa lala. So sole vo o luovo ala aṉa ta o saevou aṉa kale.

1 Pita 2:4

Vo Lekasa Jisu inio kala saevola lado jari ala, ni vo inio se maba poso komia peuru ma peuru kale amu pui kepa vai zarini. Melai vo inio voa lado vo Baṉara o pitoeveni ako vota matu qulepo ala vokasi sole. So sole meta kuemo vokasi.

Jone 10:7

Sole Jisu ta mata eri kiolake, “Aṉata a bazuemela me tuvevo avole, aṉa inio ko sipi ko veutu lala.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

1 Koriniti 15:45

Ako eri nio ko Tabu ama Riki kikolani sole, “Vo kuleto ala maba Adami ta o ereivake ni saevola maba o evake.” Melai vo tovatovala Adami, vo inio vo Jisu, voa auvana vo o katimani ko vairu ama saevo.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

Jone 6:68

Nio Saimone Pita ta o vati tiorikake, “Lekasa, lala kasi nio eṉe ṉeba ziovoa koi? Ako ṉoṉo qiada inio ṉo buarikani ṉa ko ṉisa saevo ko pesio sole.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

Kelokelozato 19:11

Ni aṉata a qeake au ko veukazio, ni aṉata a veake kala tapo hose sai. Ni vo o papuani ko topi ta voko ṉi ta Kerula kala ni Tuvetuve ala; vota sidopu ama titizato ni pazokinio sala voko kana poso kasi.

Kolosi 2:9

Ako koa pado ama ni noqola kama ni okotoma Baṉara ko saevo ni kalo ta ko eva ni ko saeva Karisito tona, voko maba elo kale.

1 Jone 5:6

Ni vo Jisu Karisito inio o kuevini ni kasa o mela eveni anime voko bapitaiso ko jukale ni mata voko vou ko dara kale. Vota pui kasa opa eve ju ko kiada kale, melai vota kasa o eve koa omuqa quli kale ju ni dara kale. Ni vo Tabu ala Auvana inio o bazuemela ta komi quli ta tuvevo ama, ako vo inio vo tuveano sole.

Kelokelozato 3:14

“Ṉota eria rikito eve sai Leodisia lotu qoqono ko mateana kasi: Eri nio koa bazu vo Emeni kasi azo ko kuevako, vo kerula kala ni tuvevo ala bazubazuto ko maba, ni koko raki ota ka evani kiadama quli vo Baṉara o erekema.

Kolosi 2:17

Soama tabu poso ta koko kilo ama quli ko suirikako, melai Karisito inio koko tuveano.

Kelokelozato 3:7

“Ṉota eria rikito eve sai Piladelepia peuru kale ama lotu qoqono ko mateana kasi: Eri nio koa bazu koko kuevako vo Tabu ala ni Tuvevo ala kasi azo. Vo inio vo Devita ko vidulu o ṉeamukani nio so keru vo o veuka keru ko tibulu inio puliala ta o rovea tibuliko ko, ni so keru vo o tibulika keru ko inio puliala ta o rovea veuko.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,

Hiburu 9:8

Kiadama ko quli kale Tabu ala Auvana ta uria kasa o mela ika anime ko anime mebeta ziovou lulueko ko tepe pade ko kalo tea, animeta pui nio me zarizia amaqeo ko Matu Tabu ama Zaekale, vo Baṉara ko tanama kale.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Iruruputo 9:2

ni vota o pasekake ko zariekato sama leta poso Damasikasi ama Jiu amu ko ilusato ko pade poso kasi ama, tu vota o vailimou se vo Lekasa ko keve ke luluekani sai Damasikasi, ni vota o noqoemou se, lasive poso ni rekoreko amu melai, tu o mati vaito se Jerusalema.