Jone 13:36 - BAṈARA KO VAIRU AMA LEVELEVEO

³⁶ Nio vo Saimone Pita ta eri kiolake vokasi, “Lai nio ṉoda ziovou, Lekasa?” kiolake. Nio vo Jisu ta eri va kiolake, “Ṉota pui ṉoba roveovou luluelo aṉa sai aṉa a ziovoa koi. Melai ṉota ṉo lulueloa laṉa inio aṉa tova,” kiolake.

Jone 13:36 Referans Kwoze

2 Pita 1:14

Ako aṉata aqai nianiia ta aṉata sipole ada vouvou sole, vo animevo Lekasa Jisu Karisito olai bazuekevo.

Jone 13:33

A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’

Jone 16:17

Nio kake voko disaipeli madu ta keta kuimaekiniake ke ṉavio kude ni eri kikelake, “Loma ikio koa pesio ko kio ni kalo? Ko vo o kasekako anime kasi ko puliako tu keu animeta pui meba velou vo, ni mata puliako tu keu animeta mata me velou vo kio, ni vota mata o kaseka ko, ‘Aṉata ada ziovou a Mama kasi,’ kiola.

Jone 14:2

Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko.

Jone 16:5

Melai erisaṉa aṉata ada ziovou vo o soroeleni aṉa kasi, melai puliala me azo ta olai kuimaeka koa zae sai aṉa a zio ka kialakoi.