Jone 13:3 - BAṈARA KO VAIRU AMA LEVELEVEO

³ Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 13:3 Referans Kwoze

Jone 3:35

Vovo Mama ta o roqueva vo Meqora ni vota o kativa ko pizato tu o ereko kiadakiadama quli.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 8:42

Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

1 Koriniti 15:27

Ako Tabu ama Riki ta so kikola sole, “Vo Baṉara ta o vaekou kiadama quli vo Karisito ko pizato ko vima.” Uria zakaremu ko ika komia pesipesi “kiadama quli” ta vo Baṉara ta pui okai zomana, vo lula o vaekeni kiadama quli vo Karisito ko pizato ko vima.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 7:33

Nio Jisu ta eri ma kiolake sea padopadoilo, “Matu puju ama taku aṉata a elou mekasi, ni aṉata ada vaitou vo o soroeleni aṉa kasi.

Jone 7:29

aṉa inio avai nianiia vo, ako aṉata a quevi vokasi azo, ako vota o soroele aṉa sole,” kiolake.

Jone 3:13

Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Jone 8:14

Ni Jisu ta o mati tiorikake, “Abe bazuilou a ṉavi melai, aṉa kialani ta tuvetuve avo, ako aṉata aqai nianiia sai aṉa a quevikoi kazo ni aqai nianiia sai aṉa a ziovoa koi sole. Meta pui meqai nianiia sai aṉa a quevikoi kazo ni pui meqai nianiia sai aṉa a ziovoa koi.