Jone 10:6 - BAṈARA KO VAIRU AMA LEVELEVEO

⁶ Jisu ta omai bazuekake koa podepodeti, melai seta pui ke paqumukake vo o kasekema quli sekasi.

Jone 10:6 Referans Kwoze

Jone 16:25

Nio Jisu ta obeta olake mati pesio voko disaipeli poso, ni eri kiolake, “Aṉata a besia podepodeti pesio kale tu a melai bazueko me komi quli poso. Melai ko taku ta kota kilou so keru aṉa pui aba pesiovou keru podepodeti pesio poso kale melai tutumazi avole aṉata a melai bazuevou aṉavo Mama.

Matiu 13:51

Ni vo Jisu ta o kuimaemake voko disaipeli madu ni eri kiolake sekasi, “Mebe paqumuka ko ikio komia nianiiekato kio?” kiolake, ni seta ke vati tiorikake ni eri kikelake, “Zio.”

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

Jone 8:43

Noi sole inio meta pui me baqumuka aṉa kialani? Tuvevo avole meta pui me baqumuka ko, ako meta meda lupaova didieko aṉako bazubazu sole.

Jone 8:27

Melai seta pui kepa vakakuke ta vo Baṉara inio voa Mama vo omai bazueveni se.

Jone 7:36

Vota so kiola, ‘Meta me vaililou aṉa, melai meta pui meba lelou aṉa,’ ni ‘Meta pui meba roveovou zio sai aṉa a eloa koi.’ Loma quli zae kio vo so ka kiolako?” kikelake.

Jone 6:60

Ni kubo madu vo ke lulueveni ta ke viqake vo kiolani ni eri kikelake, “Koa nianiiekato ta matu tapata kama. Lala inio o roveovou didieko ko tu o lulueko ko?” kikelake.

Jone 6:52

Ni Jisu ko soama pesio kale nio se Jiu amu ta keta tanitake ṉuruṉuruo ke ṉavio kude. “Noni o roveovou nio o katimelou voko marabau nio animeta me quovou?” kikelake.

Matiu 13:34

Kiadama vo Jisu ko bazubazu ta okai bazutake podepodeti kale sea vaki kasi, ni puliama voko bazubazu ta podepodeti pide ama.

Maka 4:34

Ni kiadama quli ti o mati nianiiekikake podepodeti kale. Ni voko bazubazu ta podepodeti kale ko kiada. Melai so keru vo ni voko disaipeli madu ke kiadakoi ke eva keru inio vota o mati uria rupasika kiadama quli.

Jone 16:29

Nio voko disaipeli poso ta eri kikelake vokasi, “Keatini, erisaṉa ṉota ṉo besia tutumazi avole, ni ṉota pui ṉo besia podepodeti pesio kale.

2 Pita 2:22

Ako seke erekako kalo ta voa nianiiekato sala bazu kiolani jari, ko eri, “Vo siele ta o kua o ṉaviko sakosako,” ni “Vo bolo o uria siuvani ta mata ota niabea koa niabeniabe kale,” kiolani. So jari nio seko tovama tapata ta kobe kai paloasa koa lulama.