Jone 1:18 - BAṈARA KO VAIRU AMA LEVELEVEO

¹⁸ Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 1:18 Referans Kwoze

Kolosi 1:15

Karisito inio vo kasa o ivani vo mutamuta kala Baṉara ko kalo anime kasi, vo lula o eveni Meqora puliako peuru ma peuru ereilo, vo raura kala kiadama vo Baṉara o erekema quli kale azo.

Jone 6:46

Puliala inio lula opa veveni vo Mama; melai aṉa a quevini lala Baṉara kasi azo, aṉa inio lula a veveni lala vo Mama.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

1 Jone 4:9

Eria kasa inio o ikevo vo Baṉara voko roquano anime kasi: vota o soroevake vovo pado Meqora komia peuru ma peuru kale ni vokale inio animeta me qoa ko tuvevo ama saevo.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!

Jone 17:26

Aṉata lula kasa a iṉa ṉo sekasi, ni aṉata abeta ziovou kasa iṉo ṉo sekasi, tu seta ke roquemo edolomu omadeuvo ṉota ṉo roquela aṉa jari, tu aṉa melai a elou se tona,” kiolake vo Jisu.

Jone 17:6

“Aṉata lula kasa a iṉa ṉo nia poqala maba poso kasi, se ṉoṉo qatileni komia peuru ma peuru ko maba poso kale azo. Seta lula ṉoko madu, ni ṉota ṉola puarime aṉa. Seta ke zorika ṉoko bazu,

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 12:41

Aisea ta so kiove, ako vota o keve vo Jisu ko ṉaṉaidara, ni so inio vota o kasevake.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Jone 13:23

Nio kala pado sea disaipeli madu azo, voa pado vo Jisu o matu roquevani, ta obeta papuake Jisu ko ketaketa.

Jone 3:11

Aṉata tuvevo avole a bazueṉa ṉo, eṉeta ṉe qaseka ko quli eṉe lula ṉeqai nianiiako, ni ṉeqai pesia ko quli eṉe lula ṉe qeako, melai meta pui tuvevo me ika eṉeko bazubazu.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.