Jone 1:12 - BAṈARA KO VAIRU AMA LEVELEVEO

¹² Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Jone 1:12 Referans Kwoze

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Romu 8:14

Seke odiziani vo Baṉara ko Auvana kale se inio vo Baṉara ko meqora poso.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Jone 3:18

“Vo o tuvevo puelani aṉa Baṉara vo Meqora lala ta pui opa koqotaevou vo Baṉara. Melai vo pui o tuvevo putani ta lula titititiziala, ako vota pui o tuvevo puela aṉa Baṉara vo pado Meqora lala sole.

Kolosi 2:6

Meta lula mevai nianiiovi vo Lekasa Jisu Karisito, so sole meta sidopua elo emo vo omadeu vati elo kale.

Matiu 10:40

“Vo o baroekimelo ala me ta o baroekila inio aṉa jari. Ni vo o baroekilo ala aṉa, ta o baroekiva inio vo o soroeleni aṉa.

Jone 20:31

Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

Matiu 12:21

Ni kiadama komia peuru ma peuru kale ama maba madu ta kevai keruvou vo.”

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

Iruruputo 3:16

Voko ṉi ko pizato kai oqu ikio nea lepu ala maba ko pizativake, vo nei meme veani ni mevai uria nianiiani. Voko vai oqu vo Jisu ikio ko urikivalama, vo me roveani velo mea kiada mela.

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 1:7

vo o kuevini ni omai bazueveni voa zakaremu ko kalo se maba poso. Vota o kuevi mai bazuevole se, tu sea kiadamu ta ke viqo koa bazu ni ke tuvevo puevo.

Matiu 18:5

Ni vo o baroekivani kala nea silo ala meqora jari ala voko luluelo aṉa ko kio kale ta o baroekila inio aṉa,” kiolake vo Jisu.

Jone 2:23

Ni vo o eve keru Jerusalema Alokato ko Ṉojola kale, inio kubo madu ta ke tuvevo puevake vo, so keru seke keve keru vo o erekema aqasiele ama iruruputo poso.

Jone 1:11

Vota okai kuevi o ṉaviko kunia peuru, melai sea kiadamu o ṉaviko kuniale amu ta pui ke baroekivake vo.

Romu 8:16

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.