Jemisi 5:11 - BAṈARA KO VAIRU AMA LEVELEVEO

¹¹ Animeta memai nokaekou zolezole amu sea maba poso ako seta pizaka lojo ke eveni sole. Meta lula me viqe vo Jobi ko inobea taruano ni meta meqai nianiia vo Baṉara o puarikema quli vokasi kiadama tapata poso ko tova, voko pizaka lojo elo kale. Ako vo Baṉara ta kovai sukatani ko baiseo ni tauvezato sama roquano sole.

Jemisi 5:11 Referans Kwoze

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

Luke 6:36

So sole meta roquanomo omadeuvo mevo Mama o roquana jari,” kiolake.

Hiburu 10:39

Melai animeta pui so ko maba mela tu animeta me vaitou kutumana kale tu animeta me noqola tolailou heli kale. Melai animeta animeko oqu kale me bakiziani mela.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Epesasi 1:6

So sole animeta me ilusivo vo Baṉara ako voko ikio koa ṉaṉaidara kama pakiezato sama roquano sole vo o katimelema anime vovo Meqora kale, vo o matu roquevani.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Luke 1:50

vota kasa oma ika ko tauvezato sama roquano se kevai oquani kasi, kiadama vikuvikula poso kale amu kasi.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,

1 Pita 3:14

Melai seta tapata ke imelou meko sidopu ko ereko kale avo ta, meta matu maurumaurua mela inio. Vo poropita Aisea kiovevo jari, “Meta pui meda va ṉalou kala, ni pui tiṉoliṉoli me elou.”

Luke 11:10

Ako kiadamu seke paseto amu vokasi ta ke kovou, ni seke vailizatani ta ke kelou, ni seke tubitubitani ta oma veukou ko veutu.