Jemisi 2:8 - BAṈARA KO VAIRU AMA LEVELEVEO

⁸ Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

Jemisi 2:8 Referans Kwoze

Qelesia 5:14

Ako koa kiadama vo Mosese ko Bazu ta komia omadeu pado Bazu topi ko kiada, ko eri kikolako, “Roquema edolomu omadeuvo ṉo ṉavi ṉo roquiva jari,” kikolako.

Jemisi 2:12

Meta uria pesimo uri ama kalo sate, ako meta maba madu ko rupasimako bazu kale inio me ditiziovou sole.

Matiu 22:39

Ni omuqama matu qulepo ama bazu ta komi, ‘Meta roquemomo edolomu me ṉavi me roquivani jari.’

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

Jemisi 1:25

Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

Pilipai 4:14

Melai matu uri kiala mekasi meko tauvelo aṉa aṉako tapata kale.

Matiu 25:23

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Jemisi 2:19

Ṉota ṉo duvevo pueka ta omadeu Baṉara ta inevoana kio? So ta uri jari— melai ko ziolo poso melai ke tuvevo pueka ko so—melai seta keta matu ṉava, ako soama tuvevo puto ta puju ama sole.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 7:12

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Romu 13:10

Ṉota ṉo roquevou kala, nio ṉota pui ṉoba niumaevou vo; so sole vo o roquanani inio o zorikani koa pado ama Bazu kikolani.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.